ఉన్మాది దాష్టీకం.. యువతిపై చెప్పుతో దాడి

కృష్ణరాజపురం: సిలికాన్ సిటీలో నిత్యం ఎక్కడో ఒకచోట ఉన్మాదులు రెచ్చిపోతున్నారు. రోడ్డుపై యువతితో అసభ్యంగా ప్రవర్తించి చెప్పుతో దాడి చేశాడో కిరాతకుడు. ఈ దురాగతం బెంగళూరులోని సుబ్రమణ్యపుర పుర పోలీసు స్టేషన్ పరిధిలో చోటు చేసుకుంది. ఓ యువతి రోడ్డు మీద వెళ్తుండగా అతడు అడ్డుకుని వాగ్వాదానికి దిగాడు.

ఆమె బట్టలు చించివేసి ఆపై చెప్పుతో దాడి చేశాడు. ఈ దాడితో బాధితురాలు విలవిలలాడింది. కొందరు వీడియోలు తీయడంతో వైరల్ అయ్యాయి. అతడు తరచూ మహిళలకు మానసికంగా, శారీరకంగా వేధింపులకు గురి చేస్తున్నట్లుగా ఆరోపణలున్నాయి. ఈ వీడియో తీసి కేబీ హరీష్ అనే వ్యక్తి బెంగళూరు ఎక్స్లో పోలీసులకు ట్యాగ్ చేశాడు. అతనిపై సత్వరం చర్యలు చేపట్టాలని కోరగా, చర్యలు చేపడతామని సంబంధిత పోలీసులు బదులిచ్చారు.