వరంగల్ లోని మిల్స్ కాలనీ పోలీస్ స్టేషన్ పరిధిలో ఆకతాయిల రెచ్చిపోయారు. నడిరోడ్డుపై మద్యం మత్తులో విన్యాసాలు చేస్తున్న పోకిరీలకు హితబోధ చేసిన పాపానికి వాహనదారులను వెంబడించి విచక్షణారహితంగా దాడి చేశారు. నడిరోడ్డుపై ఇష్టం వచ్చినట్లు కొట్టి బీర్ బాటిల్ తో తల పగలగొట్టారు. ఈ ఘటనతో స్థానికులు తీవ్ర భయాందోళనలకు గురయ్యారు. సీసీ కెమెరాలలో రికార్డయిన దాడి దృశ్యాల ఆధారంగా పోలీసులు విచారణ చేస్తున్నారు.
ఈ దాడి ఘటన వరంగల్ మిల్స్ కాలనీ పోలీస్ స్టేషన్ పరిధిలోని శాకరాశికుంట ప్రాంతంలో జరిగింది. ఆ మార్గంలో కొందరు పోకిరీలు మద్యం మత్తులో బైక్ పై స్టంట్స్ చేస్తున్నారు. అటుగా వెళ్లే వాహనదారులకు తీవ్ర ఇబ్బందులు కలిగిస్తున్నారు. ఈ క్రమంలో ఓ వాహనదారులు అక్కడ ఆగి వారిని మందలించారు. రోడ్డుపై వారు చేస్తున్న విన్యాసాలు తప్పని ఆ పోకిరీలకు హితబోధ చేశారు. దీంతో మరింత రెచ్చిపోయిన చిల్లరగాళ్లు మద్యం మత్తులో చెలరేగిపోయారు. ఆ వాహనదారులను వెంబడించి, నడిరోడ్డుపై వాళ్ళ బైక్ ఆపి విచక్షణారహితంగా దాడి చేశారు. రోడ్డుపైనే పిడిగుద్దులతో దాడి చేసిన ఆకతాయిలు బీర్ బాటిల్ తో తల పగలగొట్టారు.
మత్తుకు బానిసలుగా మారిన పోకిరీలు ఈ మార్గంలో నిత్యం ఇలాంటి దారుణాలకు పాల్పడుతున్నారని స్థానికులు ఆవేదన వ్యక్తం చేస్తున్నారు. పోకిరిలో ఆకు రౌడీల ఆగడాలకు అడ్డుకట్ట వేయాలని కోరుతున్నారు. గంజాయి మత్తులో స్థానిక ప్రజలను భయబ్రాంతులకు గురిచేస్తున్నారని ఆవేదన వ్యక్తం చేస్తున్నారు. బాధితుల ఫిర్యాదు మేరకు పోలీసులు విచారణ చేపట్టారు. సీసీ కెమెరా ఫుటేజ్ ఆధారంగా దర్యాప్తు చేస్తున్నారు. ఇప్పటికే కొంతమంది పోకిరీలను అదుపులోకి తీసుకుని విచారిస్తున్నట్లు సమాచారం
Also read
- అమ్మాయిల నుంచి అండాలు.. అబ్బాయిల నుంచి వీర్యకణాలు.. హాస్టళ్లల్లో సరికొత్త దందా..!
- పసుపు తాడు కడితే నైలాన్ తాడుతో పైకి పంపించింది.. సంతోష్‌తో కలిసి సవిత ఏం చేసిందంటే..
- రాప్తాడు విద్యార్థిని దాడి ఘటనపై సీఎం చంద్రబాబు సీరియన్.. పోలీసులకు కీలక ఆదేశాలు
- స్కూల్‌లోకి చొరబడి పదో తరగతి విద్యార్థినిపై రంపంతో దాడి.. మరో బాలికకూ గాయాలు!
- బేకరీలో పనిచేస్తున్న యువతిపై కత్తి దాడి.. చికిత్స పొందుతూ మృతి!
