Murder : ములుగు జిల్లాలో దారుణం.. గొడ్డలితో నరికి గిరిజన యువకుడిని హత్య

ములుగుజిల్లా వాజేడు మండలంలో గిరిజన యువకుడి హత్య సంచలనం సృష్టించింది. వాజేడు మండలం పేరూరు పోలీస్ స్టేషన్ పరిధిలోని కొత్త టేకులగూడెం గ్రామానికి చెందిన గిరిజన యువకుడు వాసం విజయ్ ని గుర్తు తెలియని దుండగులు హత్య చేశారు. ఈ హత్య గ్రామాన్ని ఉలిక్కిపడేలా చేసింది.

Murder : ములుగు జిల్లా వాజేడు మండలంలో గిరిజన యువకుడి హత్య సంచలనం సృష్టించింది. వాజేడు మండలం పేరూరు పోలీస్ స్టేషన్ పరిధిలోని కొత్త టేకులగూడెం గ్రామానికి చెందిన గిరిజన యువకుడు వాసం విజయ్ ని గుర్తు తెలియని దుండగులు హత్య చేశారు. అర్థరాత్రి సమయంలో జరిగిన ఈ ఘోర ఘటన గ్రామాన్ని ఉలిక్కిపడేలా చేసింది.విజయ్‌ తన ఇంటి సమీపంలో ఉన్న సమయంలో, గుర్తు తెలియని వ్యక్తులు అతనిపై అకస్మాత్తుగా దాడి చేసినట్లు తెలుస్తోంది. విజయ్ తలపై గొడ్డలితో దాడిచేసి అతన్ని అతి దారుణంగా హత్య చేశారు. జరిగిన ఘటనతో గ్రామస్తులు ఒక్కసారిగా ఉలిక్కిపడ్డారు. విజయ్ శవాన్ని చూసిన స్థానికులు ఒక్కసారిగా షాక్‌కి గురయ్యారు. సంఘటన స్థలంలో రక్తపు వరదల ప్రవహించడంతో హత్య ఎంత దారుణంగా జరిగిందో అర్థం చేసుకోవచ్చు.

సమాచారం అందుకున్న వెంటనే వెంకటాపురం సీఐ బండార్ కుమార్, పేరూరు ఎస్సై గుర్రం కృష్ణ ప్రసాద్ సంఘటన స్థలానికి చేరుకున్నారు. సంఘటన స్థలాన్ని పరిశీలించిన అనంతరం కుటుంబ సభ్యుల నుంచి వివరాలు సేకరించారు. పోలీసులు కేసును అన్ని కోణాల్లో దర్యాప్తు చేస్తున్నారు. వ్యక్తిగత కక్ష, పాత వైరం లేదా ఇతర కారణాలు ఈ హత్యకు దారితీసాయా అన్న కోణాల్లో పోలీసులు విచారణ జరుపుతున్నారు.ఈ హత్యతో టేకులగూడెం గ్రామంలో తీవ్ర ఉద్రిక్తత నెలకొంది. గ్రామస్థులు భయభ్రాంతులకు లోనయ్యారు. మృతుడు విజయ్‌కు గ్రామంలో మంచి పేరు ఉందని, అతడు ఎవరితోనూ గొడవపడే స్వభావం లేనివాడని స్థానికులు చెబుతున్నారు. అతని హత్యపై పలు అనుమానాలు వెలువడుతున్నాయి.

పోలీసులు ఈ హత్యకు సంబంధించి కొన్ని కీలక సమాచారం సేకరించినట్లు తెలుస్తోంది. విచారణ పూర్తయ్యే వరకు మరిన్ని వివరాలు వెలుగులోకి రానున్నాయి. ఇప్పటికీ దుండగులెవరు అన్న విషయం తెలియరాలేదు. గ్రామంలో శాంతిభద్రతలు కాపాడేందుకు పోలీసులు పటిష్టమైన బందోబస్తు ఏర్పాటు చేశారు.ఈ దారుణ హత్యతో ములుగు జిల్లా ఒక్కసారిగా ఉలిక్కిపడింది. వాసం విజయ్ మరణం అతని కుటుంబానికి తీరని విషాదాన్ని మిగిల్చింది. నిందితులు త్వరగా పట్టుబడి కఠిన శిక్షలు పడాలని ప్రజలు డిమాండ్ చేస్తున్నారు.