హైదరాబాద్ దుర్గం చెరువు కేబుల్ బ్రిడ్జిపై అక్రమంగా పార్కింగ్ చేయడం వల్ల ప్రమాదాలు జరిగే ప్రమాదాన్ని ఎత్తిచూపుతూ మాదాపూర్ పోలీసులు దుర్గం చెరువు కేబుల్ బ్రిడ్జిపై కవాతు నిర్వహించారు. ఓ వ్యక్తి సెల్ఫీ తీసుకుంటుండగా, అదే సమయంలో వాహనం దూసుకురావడంతో చనిపోయాడు. అయితే ప్రయాణికులను అలర్ట్ చేయడం కోసం ఎస్ఐలు, కానిస్టేబుళ్లు కవాతు చేశారు. మాదాపూర్ ఇన్ స్పెక్టర్ జి.మల్లేష్ తెలిపిన వివరాల ప్రకారం.. కె.అనిల్ కుమార్, కె.అజయ్ లు బ్రిడ్జిపై సెల్ఫీలు తీసుకుంటుండగా శనివారం ఎంయూవీ ఢీకొట్టింది. అనిల్ కుమార్ అక్కడికక్కడే మృతి చెందగా, అజయ్ ఆస్పత్రిలో కోలుకుంటున్నాడు.
ఈ ఘటనపై స్పందించిన మాదాపూర్ పోలీసులు ట్రాఫిక్ నిబంధనలు పాటించని వారిపై, ముఖ్యంగా బ్రిడ్జిపై కఠిన చర్యలు తీసుకుంటామని హెచ్చరించారు. సెల్ఫీలు దిగుతూ పట్టుబడితే రూ.1,000 జరిమానా విధిస్తారు. నిర్లక్ష్యపు ప్రవర్తనను నిరోధించడానికి, ప్రజల్లో భద్రతకు భరోసా ఇవ్వడానికి కవాతు చేసినట్టు తెలిపారు
Also read
- వసంత నవరాత్రులు స్టార్ట్! ఉగాది నుంచి శ్రీరామనవమి వరకు ఇలా చేస్తే ధనలక్ష్మి మీ ఇంట్లోనే ఉంటుంది!
- Lord Shani: శత్రువెవరో మిత్రులెవరో తెలుస్తుంది..! శని దోషం కూడా వీరికి ఒక వరమే!
- Garuda Purana: కాకి పిండం తింటే పితృ దేవతలకు చేరినట్టేనా..? అసలు గరుడ పురాణం ఏం చెప్తుంది
- బాబోయ్.. వీళ్లది మామూలు పత్తేపారం కాదు..! దండెంపై ఆరేసిన జాకెట్ పొరుగింట్లో ప్రత్యక్షం.. ఏరులై పారిన రక్తం
- Vijayawada Accident: ఒక చేత్తో సెల్ఫోన్.. మరో చేత్తో డ్రైవింగ్.. అదుపుతప్పి కిందపడ్డ యువతి
