Kurnool Man Died In Wedding Ceremony: కర్నూలు జిల్లా కృష్ణగిరి మండలం పెనుమాడలో ఓ పెళ్లి వేడుక జరిగింది. వరుడి స్నేహితుడు గుండె పోటుతో చనిపోవడం విషాదాన్ని నింపింది. గోనెగండ్ల మండల బి.అగ్రహారం గ్రామానికి చెందిన చిన్న మాదన్న, జయమ్మ దంపతుల కుమారుడు వంశీకుమార్‌ బెంగళూరులో సాఫ్ట్వేర్ ఇంజినీర్‌గా పనిచేస్తున్నారు. స్నేహితుడి పెళ్లి వేడుకకు వంశీ హాజరుకాగా.. వరుడికి ఫ్రెండ్స్ అందరూ కలిసి వేదిక మీదకు బహుమతి అందజేశారు. అనంతరం ఫొటోలు దిగుతుండగా వంశీ ఒక్కసారిగా కుప్పకూలి చనిపోయాడు. ఆస్పత్రికి తీసుకెళ్లగా అప్పటికే చనిపోయాడు
కర్నూలు జిల్లాలో విషాదం జరిగింది. కృష్ణగిరి మండలం పెనుమాడలో స్నేహితుడి వివాహానికి వచ్చిన యువకుడు కళ్యాణ మండపంలో వేదికపై గుండెపోటుతో ప్రాణాలు కోల్పోయాడు. గోనెగండ్ల మండలంలో బి అగ్రహారానికి చెందిన వంశీ కుమార్ బెంగుళూరులో సాఫ్ట్వేర్ ఇంజినీర్‌గా ఉద్యోగం చేస్తున్నారు. స్నేహితుడి వివాహానికి హాజరై మిత్రులతో కలిసి కొత్త జంటకు గిఫ్ట్ అందజేశారు. ఉత్సాహంగా నూతన దంపతులు ఆ బహుమతి కవర్ ఓపెన్ చేస్తుండగా.. వేదికపై ఉన్న వంశీ కుమార్ కిందపడబోయాడు.
ఆ వెంటనే గమనించిన స్నేహితులు పట్టుకున్నారు. ఆ తర్వాత వంశీ ఒక్కసారిగా గుండెపోటుతో కుప్పకూలిపోయాడు. వెంటనే గమనించిన స్నేహితులు పక్కకు తీసుకెళుతుండగా ప్రాణాలు కోల్పోయాడు. వెంటనే తోటి స్నేహితులు వాహనంలో డోన్‌‌లో ఆస్పత్రికి తరలించగా.. అప్పటికే చనిపోయినట్లు వైద్యులు తెలిపారు. వివాహ వేడుకలో అప్పటి వరకు తోటి స్నేహితులతో కలిసి సందడి చేసిన వంశీ కుమార్ ఆకస్మికంగా ప్రాణాలు కోల్పోవడంతో విషాద ఛాయలు అలముకున్నాయి. ఈ వీడియో సోషల్ మీడియాలో వైరల్ అవుతోంది
ఇటీవల కాలంలో గుండెపోటుతో ప్రాణాలు కోల్పోతున్న వారి సంఖ్య పెరుగుతోంది. అప్పటి వరకూ ఎంతో ఉల్లాసంగా కనిపించిన వారు కూడా ఒక్కసారిగా కుప్పకూలి ప్రాణాలు కోల్పోతున్నారు. ఇటీవల హైదరాబాద్‌లో ఓ యువకుడు ఆలయంలో ప్రదక్షిణలు చేస్తూ కుప్పకూలి ప్రాణాలు కోల్పోయాడు. అంతేకాదు చిన్న పిల్లలు కూడా గుండెపోటుతో ప్రాణాలు కోల్పోవడం ఆందోళన కలిగిస్తోంది.
కొంతకాలంగా, ముఖ్యంగా కరోనా తర్వాత ఇలా గుండెపోటు మరణాలు పెరిగాయి. అయితే గుండెపోటును ముందుగానే గుర్తించలేకపోవడంతోనే ఇలా జరుగతోందంటున్నారు డాక్టర్లు. గుండెపోటు వచ్చినప్పుడు ఛాతీలో ఎడమ వైపు నొప్పి వస్తుందని చెబుతున్నారుజ.. ఏదో బరువు మోస్తున్నట్లుగా అనిపిస్తూ, ఆయాసం, చెమటలు పడతాయని చెబుతున్నారు. కొంత మందికి ఎలాంటి లక్షణాలు లేకుండా కూడా గుండెపోటు రావొచ్చంటున్నారు. ఆరోగ్యం గురించి ఎలాంటి అనుమానం వచ్చినా వెంటనే డాక్టర్లను సంప్రదించాలని సూచిస్తున్నారు. వెంటనే అన్ని పరీక్షలు చేయించుకోవడం మంచిదని సలహా ఇస్తున్నారు. ప్రజలు వారి ఆరోగ్యం విషయంలో నిర్లక్ష్యంగా ఉండొద్దని సూచిస్తున్నారు డాక్టర్లు.
Also read
- Utpanna Ekadashi: అప్పులతో ఇబ్బంది పడుతున్నారా.. రుణ విముక్తి కోసం ఉత్పన్న ఏకాదశి ఈ పరిహారాలు చేసి చూడండి..
- Kaala Bhairava Jayanti: ఈ రోజే కాల భైరవ జయంతి.. నల్ల కుక్కకు పూజ చేసి, ఆహారం పెడతారు ఎందుకో తెలుసా..
- నేటి జాతకము 23 నవంబర్, 2024
- ఆ ఊర్లో బడికి వెళ్లాలంటేనే దడుసుకుంటున్న పిల్లలు.. ఎందుకో తెలుసా?
- కనిపించకుండాపోయిన వివాహిత.. బట్టలు లేకుండా పొలాల్లో శవమైన మహిళ!
