రాజోలు (కోనసీమ) : అంబేద్కర్‌ కోనసీమ జిల్లా మలికిపురం మండలం తూర్పుపాలెంలో ఓఎన్జీసీ డ్రిల్లింగ్‌ సైట్‌ వద్ద పైపు లైన్‌ నుంచి భారీగా గ్యాస్‌ లీకవడం కలకలం రేపుతోంది. పొగ తరహాలో దట్టంగా బయటకు చిమ్ముతున్న గ్యాస్‌ సమీప ప్రాంతమంతా వ్యాపించింది. ఇటీవల డ్రిల్లింగ్‌ పూర్తి చేసి రిగ్‌ తొలగించిన తర్వాత ఈ లీక్‌ జరిగిందని స్థానికులు తెలిపారు. గ్యాస్‌ లీక్‌తో స్థానికులు, చుట్టుపక్కల గ్రామాల ప్రజలు తీవ్ర భయాందోళనకు గురవుతున్నారు. ఓఎన్జీసీ నిర్లక్ష్యం వల్ల కోనసీమ జిల్లాలో తరచూ ఇలాంటి గ్యాస్‌ లీక్‌లు జరుగుతున్నాయని, ఫిర్యాదులు చేసినా అధికారులు పట్టించుకోవడం లేదని ప్రజలు ఆవేదన వ్యక్తం చేస్తున్నారు. గ్యాస్‌ లీకేజీపై అధికారులు తక్షణం చర్యలు తీసుకోవాలని స్థానికులు డిమాండ్‌ చేస్తున్నారు. అంబేద్కర్‌ కోనసీమ జిల్లాలో ఓఎన్జీసీ గ్యాస్‌ లీక్‌ ఘటనలు తరచుగా జరుగుతున్నాయి. గత నెల (జనవరి)5న మలికిపురం మండలంలోని ఇరుసుమండ గ్రామంలో ఓఎన్జీసీ వెల్‌ వద్ద రిపేర్‌/రీ-డ్రిల్లింగ్‌ పనుల సమయంలో భారీ గ్యాస్‌ లీక్‌ జరిగి మంటలు ఎగసిపడ్డాయి. ఇది బ్లోఅవుట్‌గా మారి ప్రమాదకర పరిస్థితి నెలకొంది. వెంటనే సమీప గ్రామాల నుంచి ప్రజలను ఖాళీ చేయించేశారు అధికారులు. ఎలాంటి ప్రాణనష్టం జరగకపోవడంతో అంతా ఊపిరిపీల్చుకున్నారు.
Also read
- ఎమ్మెల్సీని టార్గెట్ చేసిన డీప్‌ఫేక్ గ్యాంగ్.. రూ.5 కోట్లకు బేరం.. ఇంతలోనే షాకింగ్ ట్విస్ట్..!
- ఎన్నికల ఫలితాలకు కొన్ని గంటల ముందు విషాదం.. MPTC అభ్యర్థి గుండెపోటుతో మృతి!
- జగిత్యాలలో 10 నెలల చిన్నారి మృతి
- Diwali: దక్షిణ భారతంలో దీపావళి అంటే నరకాసుర వధే.. శ్రీకృష్ణుడి విజయగాథ వెనుక అసలు కథ ఇదే!
- దీపావళి వేళ దర్శించాల్సిన మహాలక్ష్మీ ఆలయాలు.. ఈ ఆలయాల విశిష్టత తెలిస్తే తప్పక వెళ్లాలనిపిస్తుంది!
