Gajkesari Yoga 2025: రేపు ఏర్పడనున్న గజకేసరి యోగం.. ఈ 3 రాశుల వారు ఆస్తి, వాహనాలు కొనుగోలు చేసే అవకాశం..

జ్యోతిషశాస్త్రంలో నవ గ్రహాలకు అత్యంత ప్రాముఖ్యత ఉంది. గ్రహాల్లో చంద్రుడు తన రాశిని అత్యంత వేగంగా మార్చుకుంటాడని చెప్పబడింది. దీంతో చంద్రుడు త్వరలో దేవగురువు బృహస్పతితో కలవ నున్నాడు. ఈ రెండింటి కలయిక శక్తివంతమైన గజకేసరి యోగాన్ని సృష్టిస్తుంది. ఈ కారణంగా మూడు రాశుల వారికి ప్రతి రంగంలోనూ ప్రయోజనాలు లభిస్తాయి.

జ్యోతిషశాస్త్రంలో దేవ గురువు బృహస్పతిని ఒక ముఖ్యమైన గ్రహంగా పరిగణిస్తారు. దేవ గురువు బృహస్పతి ప్రస్తుతం వృషభ రాశిలో సంచరిస్తున్నాడు. మే వరకు దేవ గురువు బృహస్పతి సంచారము వృషభ రాశిలో ఉంటుంది. ఈ సమయంలో బృహస్పతి ఏదోక గ్రహంతో కలిసి ఉంటాడు. అప్పుడు శుభ లేదా అశుభ యోగాలను సృష్టిస్తాడు. అయితే చంద్రునితో బృహస్పతి కలయిక చాలా ప్రత్యేకమైనదిగా పరిగణించబడుతుంది.

జ్యోతిషశాస్త్రం ప్రకారం మార్చి 5న ఉదయం 8:12 గంటలకు చంద్రుడు వృషభ రాశిలోకి ప్రవేశించనున్నాడు. దేవ గురువు బృహస్పతి ఇప్పటికే వృషభ రాశిలో ఉన్నాడు. అటువంటి పరిస్థితిలో చంద్రుడు, బృహస్పతి కలయిక జరగనుంది. ఈ రెండు గ్రహాల కలయిక శక్తివంతమైన గజకేసరి రాజయోగాన్ని ఏర్పరుస్తుంది. ఈ యోగా శక్తివంతమైనది మాత్రమే కాదు చాలా ప్రయోజనకరంగా కూడా పరిగణించబడుతుంది. అటువంటి పరిస్థితిలో గజకేసరి యోగం ఏర్పడటం వలన మూడు రాశుల వారికి ఎన్నో ప్రయోజనాలను చేకూరుస్తుంది. ఈ రోజు ఆ మూడు అదృష్ట రాశులు ఏమిటో తెలుసుకుందాం.

వృశ్చిక రాశి: ఈ రాశి వారికి గజకేసరి రాజయోగం చాలా ప్రయోజనకరంగా ఉంటుంది. వృశ్చిక రాశి ఏడవ ఇంట్లో బృహస్పతి, చంద్రుడు సంయోగం చెందుతారు. అటువంటి పరిస్థితిలో ఈ రాజయోగ ప్రభావం కారణంగా వృశ్చిక రాశి వారు ప్రతి రంగంలోనూ విజయం సాధిస్తారు. కెరీర్ పరంగా ఈ సమయం వీరికి చాలా బాగుంటుంది. వ్యాపారవేత్తలకు వ్యాపారంలో లాభం రావచ్చు. ప్రభావవంతమైన వ్యక్తులతో సంబంధాలు ఏర్పడే అవకాశం ఉంది. జీవితంలో ఆనందం, శాంతి నెలకొంటాయి.

కుంభ రాశి: ఈ రాశి వారికి గజకేసరి రాజయోగం చాలా శుభప్రదం. అనేక ప్రయోజనాలను చేకూరుస్తుంది. కుంభ రాశి నాల్గవ ఇంట్లో బృహస్పతి, చంద్రుడు సంయోగం చెందనున్నారు. అటువంటి పరిస్థితిలో గజకేసరి రాజయోగ ప్రభావం కారణంగా కుంభ రాశి వారి జీవితంలో సుఖ సంతోషాలు కలుగుతాయి. విలాసవంతమైన జీవితం ఏర్పడుతుంది. కెరీర్ పై దృష్టి పెడితే సక్సెస్ వీరి సొంతం. ఉద్యోగస్తులు ఆఫీసులో గొప్ప విజయాన్ని సాధించే అవకాశం ఉంది. అంతేకాదు వీరు ఆస్తి, వాహనం కొనుగోలు చేసే ప్రయత్నాలు ఫలిస్తాయి. కుటుంబ జీవితం సంతోషంగా ఉంటుంది. ప్రియమైనవారితో సమయం గడుపుతారు.

మీన రాశి: వీరికి కూడా గజకేసరి రాజయోగం చాలా అనుకూలంగా ఉంటుంది. మీన రాశిలోని మూడవ ఇంట్లో బృహస్పతి , చంద్రుడు కలయిక జరగనుంది. అటువంటి పరిస్థితిలో గజకేసరి రాజయోగ ప్రభావం వల్ల మీన రాశి వారు గౌరవాన్ని పొందనున్నారు. కెరీర్‌లో పురోగతి ఏర్పడుతుంది. వ్యాపారంలో చేసే ప్రయత్నాలు విజయవంతమవుతాయి.