Andhra pradesh: ఛీ ఏం మనిషివిరా.. 16 ఏళ్ల బాలికను బలవంతంగా పెళ్లి చేసుకున్న 60 ఏళ్ల వ్యక్తి!

60ఏళ్ల వ్యక్తి బలవంతంగా 16 ఏళ్ల అమ్మాయిని వివాహం చేసుకున్న ఘటన అనంతపురంలో జరిగింది. రామాజంనేయులు అనే వ్యక్తి మైనర్ అమ్మాయిని బలవంతంగా పెళ్లి చేసుకుని కాపురానికి తీసుకెళ్లాడు. ఇష్టం లేని ఆ అమ్మాయి తప్పించుకుని వచ్చి పోలీసులకు ఫిర్యాదు చేసింది.

ప్రస్తుతం రోజుల్లో వయస్సుతో సంబంధం లేకుండా పెళ్లి చేసుకుంటున్నారు. పెళ్లి చేసుకునేటప్పుడు కనీసం వయస్సు కూడా చూడటం లేదు. ఇలాంటి ఘటన తాజాగా అనంతపురంలో జరిగింది. ఓ 60 ఏళ్ల వ్యక్తి బలవంతంగా 16 ఏళ్ల బాలికను వివాహం చేసుకున్న ఘటన జరిగింది. వివరాల్లోకి వెళ్తే.. అనంతపురం జిల్లా రాయదుర్గం నియోజకవర్గంలో 60 ఏళ్ల వయసున్న ఓ వ్యక్తి 16 ఏళ్ల బాలికను బలవంతంగా పెళ్లి చేసుకున్నాడు.

భార్య చనిపోవడంతో రెండో పెళ్లి..
కూలి పనులు చేసుకునే ఓ దంపతులకు ఇద్దరు కుమార్తెలు ఉన్నారు. అయితే వీరిలో పెద్ద కుమార్తెకు వివాహం జరగ్గా భర్త చనిపోయాడు. దీంతో పెద్ద కుమార్తె పుట్టింట్లోనే ఉంది. ఇక రెండో కుమార్తెను ఓ 60 ఏళ్ల వ్యక్తి బలవంతంగా పెళ్లి చేసుకున్నాడు. రామాంజనేయులు అనే వ్యక్తికి రెండేళ్ల కిందట భార్య చనిపోయింది. ఇతనికి ఒక కుమారుడు, కూతురు కూడా ఉన్నారు.

అయినా కూడా ఈ వయస్సులో పెళ్లి చేసుకోవాలని బాలిక ఇంటికి వెళ్లి తల్లిదండ్రులను అడిగాడు. దీనికి వారు ఒప్పుకోకపోతే బెదిరించి మరి వారి ఎదురుగా బలవంతంగా తాళి కట్టాడు. ఆమెను బలవంతంగా కాపురానికి తీసుకెళ్లాడు. అయితే ఇష్టం లేని ఆ బాలిక తప్పించుకుని వచ్చి పోలీసులకు ఫిర్యాదు చేసింది. తనకు న్యాయం జరగాలని కోరుకుంది