బాపట్ల మండలం భర్తిపూడిలో సీబీఐ అధికారులు ఆదివారం సాయంత్రం ఆకస్మిక సోదాలు నిర్వహించారు.
బాపట్ల,: బాపట్ల మండలం భర్తిపూడిలో సీబీఐ అధికారులు ఆదివారం సాయంత్రం ఆకస్మిక సోదాలు నిర్వహించారు. అవినీతి ఆరోపణల వ్యవహారంలో వాయుసేనకు చెందిన కర్నల్ స్థాయి ఓ అధికారిని అదుపులోకి తీసుకున్నట్లు తెలిసింది. ప్రాథమిక సమాచారం మేరకు వాయుసేన అధికారి అవినీతికి సంబంధించి అందిన ఫిర్యాదుపై సీబీఐ రంగంలోకి దిగింది. విజయవాడ నుంచి సీబీఐ అధికారుల బృందం నాలుగు కార్లలో గ్రామానికి వచ్చి జీబీసీ రోడ్డు వద్ద అప్పికట్ల రైల్వేస్టేషన్ కు వెళ్లే మార్గంలో మకాం వేసింది. వల పన్ని సదరు అధికారిని భర్తిపూడి రప్పించి లంచం నగదు తీసుకుంటుండగా సీబీఐ అధికారులు మెరుపు దాడి చేసి పట్టుకున్నారు. నగదు కట్టలు స్వాధీనం చేసుకోవడాన్ని స్థానికులు చూశారు.
ఈ వ్యవహారాన్ని కొందరు గ్రామస్థులు సెల్ఫోన్ లొ వీడియోలు, ఫొటోలు తీయబోగా సీబీఐ అధికారులు వారించారు. స్థానిక రైల్వేస్టేషన్ లోకి అధికారిని తీసుకెళ్లి కొద్దిసేపు విచారించారు. ఆయన వచ్చిన కారును స్వాధీనం చేసుకుని రైల్వేస్టేషన్ వద్దకు తరలించారు. సమాచారం తెలిసి అప్పికట్ల రైల్వేస్టేషన్ వద్దకు మీడియా బృందం వెళ్లగా సీబీఐ అధికారులు అనుమతించలేదు. దాడుల వివరాలు వెల్లడించటానికి నిరాకరించారు. పూర్తి స్థాయి సమాచారాన్ని అధికారికంగా సోమవారం తెలియజేస్తామని చెప్పారు. కొద్దిసేపు తర్వాత రెండు కార్లలో సీబీఐ అధికారులు సూర్యలంక వాయుసేన కేంద్రం వైపు వెళ్లారు. మిగిలిన రెండు కార్లలో వచ్చిన అధికారులు అప్పికట్ల రైల్వేస్టేషన్ వద్దే ఉన్నారు. మరిన్ని వివరాలు తెలియాల్సి ఉంది.
Also read
- వరూధుని ఏకాదశి రోజున తులసితో ఈ పరిహారాలు చేయండి.. పెండింగ్ పనులు పూర్తి అవుతాయి..
- Swapna Shastra: కలలో ఈ మూడు పక్షులు కనిపిస్తే మీకు మంచి రోజులు వచ్చాయని అర్ధమట..
- పిల్లలను కారులో ఉంచి లాక్ చేయడంతో…కొంచమైతే ఎంతఘోరం జరిగేది?
- పోలీసోళ్లను పిచ్చోళ్లను చేసింది.. MMTSలో అత్యాచారయత్నం కేసులో బిగ్ ట్విస్ట్ !
- తిరుపతి అక్టోపస్ పోలీస్ కానిస్టేబుల్ దారుణ హత్య..మర్డర్ వెనుక సంచలన విషయాలు
