హైదరాబాద్ గచ్చిబౌలిలో హోటల్ కేంద్రంగా సాగుతున్న హైటెక్ వ్యభిచార వ్యవహారాన్ని పోలీసులు ఛేదించారు. విదేశీ మహిళలను నగరానికి తీసుకొచ్చి హోటల్లో వేర్వేరు గదులు ఏర్పాటు చేసి వ్యభిచారం నిర్వహిస్తున్నారన్న విశ్వసనీయ సమాచారంతో గచ్చిబౌలి పోలీసులు, యాంటీ హ్యూమన్ ట్రాఫికింగ్ యూనిట్ అధికారులు సంయుక్తంగా డ్రీమ్ ప్రైడ్ హోటల్పై దాడులు నిర్వహించారు. ఈ తనిఖీల్లో ఢిల్లీకి చెందిన నిఖిల్, రామ్మోహన్రెడ్డితో పాటు హర్షిత్ సింఘానియాను అదుపులోకి తీసుకున్నారు. వారితో పాటు హోటల్లో ఉన్న ఉజ్బెకిస్థాన్కు చెందిన ముగ్గురు మహిళలను కూడా పోలీసులు అదుపులోకి తీసుకున్నట్లు తెలిపారు. ప్రాథమిక దర్యాప్తులో నిఖిల్ ప్రధాన నిర్వాహకుడిగా వ్యవహరించినట్లు గుర్తించగా, అతడికి రామ్మోహన్రెడ్డి సహకరిస్తున్నట్లు అనుమానిస్తున్నారు.
దాడుల సందర్భంగా హోటల్లో సోదాలు నిర్వహించిన పోలీసులు రూ.13 వేల నగదును స్వాధీనం చేసుకున్నారు. రామ్మోహన్రెడ్డి వద్ద ఉన్న రెండు మొబైల్ ఫోన్లను సీజ్ చేసి, వాటిలోని సమాచారాన్ని పరిశీలిస్తున్నారు. పోలీసుల విచారణలో పట్టుబడిన ముగ్గురు మహిళలు కొద్దిరోజుల క్రితమే హైదరాబాద్కు వచ్చినట్లు వెల్లడైనట్లు సమాచారం. వారి పాస్పోర్టులు, వీసాలను పరిశీలించగా అవి చెల్లుబాటులో ఉన్నట్లు పోలీసులు నిర్ధారించారు.
అయితే, హైదరాబాద్ నగరానికి వచ్చిన తర్వాత వారు ఎవరిని సంప్రదించారు.. హోటల్లో గదులు ఎవరు ఏర్పాటు చేశారు.. విదేశీ మహిళలను ఈ వ్యవహారంలోకి ఎవరు తీసుకొచ్చారు..? అనే అంశాలపై పోలీసులు దర్యాప్తు చేస్తున్నారు. ఆన్లైన్ ద్వారా విటులను సంప్రదించి హోటల్కు రప్పించారా అనే కోణంలోనూ విచారణ కొనసాగుతోంది. స్వాధీనం చేసుకున్న మొబైల్ ఫోన్లలోని కాల్ వివరాలు, సందేశాలు, ఇతర డిజిటల్ ఆధారాలను పరిశీలించడం ద్వారా ఈ వ్యవహారం వెనుక ఉన్న నెట్వర్క్ను గుర్తించే ప్రయత్నం చేస్తున్నారు. ఈ కేసులో ఎవరెవరి ప్రమేయం ఉంది..? ఇంకా ఎంతమంది ఉన్నారనే విషయాలను గచ్చిబౌలి పోలీసులు ఆరా తీస్తున్నారు. దర్యాప్తులో వెలుగులోకి వచ్చే ఆధారాల ఆధారంగా తదుపరి చర్యలు తీసుకోనున్నట్లు పోలీసులు తెలిపారు.
Also read
- ఇన్స్టాగ్రామ్ పరిచయం.. ఇంట్లోనే ఆశ్రయం పొంది 4.5 తులాల బంగారం చోరీ!
- కార్తీక మంగళవారం ఈ పూజలు చేస్తే అదృష్టం కలిసొస్తుందట.. రుణబాధలు తొలగాలంటే ఇలా చేయండి!
- Panchakshari Mantra: ఓం నమః శివాయకు ఇన్ని రూపాలున్నాయా? పంచాక్షరిలోని రకాల గురించి తెలుసా?
- కాకినాడ జిల్లాలో ఘోరం.. 10వ తరగతి విద్యార్థులపై.. కుల వివక్షతో ప్రిన్సిపాల్, పీటీ టీచర్ దాడి!
- జనసేన నేత కోట రుక్మిణి రూ.7 కోట్ల చీటింగ్ కేసులో ట్విస్ట్





