ఇద్దరు చిన్నారులపై లైంగిక దాడికి పాల్పడుదామనుకున్న ఓ 67 ఏళ్ల వ్యక్తి పోలీసుల కాల్పుల్లో మృతి చెందాడు. అమెరికాలోని సియాటెల్‌లో ఈ ఘటన చోటు చేసుకుంది. పోలీసుల వివరాలు ప్రకారం.. అమెరికాలోని సియాటెల్‌లో ఓ వ్యక్తి ఇద్దరు చిన్నారుపై లైంగిక దాడికి పాల్పడదామని స్థానిక హోటల్‌లోకి దిగినట్ల సమాచారం అందింది. అయితే అప్పటికే ఈ వ్యవహారంపై సియాటెల్‌ పోలిసులు స్టింగ్‌ ఆపరేషన్‌ చేపట్టారు.
అందులో భాగంగా ప్రక్కా సమాచారం అందటంతో ఆ హోటల్‌కు వెళ్లిన పోలీసులు అనుమానిత వ్యక్తిని రూం డోర్‌ తెరవాల్సిందిగా కోరారు. రూం డోర్‌ తీసిన వ్యక్తి పోలిసులను చూసి వారి చేతిలో ఉన్న తుపాకి లాక్కోని పారిపోవడానికి ప్రత్నించాడు. ఇలా ఒక పోలీసుతో పెనుగులాట జరుగుతున్న సమయంలో మరో పోలిసు వెంటనే అప్రమత్తమై కాల్పులు జరిపాడు. దీంతో సదరు వ్యక్తి అక్కడికక్కడే మృతి చెందాడు. బాడీ కెమెరా ద్వారా ఈ ఘటన దృశ్యాల వీడియో బయటకు వచ్చింది. ప్రస్తుతం ఈ కాల్పుల వీడియో సోషల్‌ మీడియాలో వైరల్‌గా మారింది. ఇద్దరు చిన్నారుల్లో ఒకరిది 7, మరొకరిది 11 ఏళ్ల వయసు ఉంటుందని పోలిసులు గుర్తించారు.
ఈ ఘటనపై సియాటెల్‌ పోలీసు విభాగం చీఫ్‌ అడ్రియన్ డియాజ్ స్పందిస్తూ.. చిన్నారులపై జరిగే ఇంటర్‌నెట్‌ నేరాలపై దృష్టి పెట్టినట్లు తెలిపారు. 2022 నుంచ 2023 వరకు ఈ నేరాల సంఖ్య 67 శాతం పెరిగినట్లు పేర్కొన్నారు. ఇటువంటి కేసులను ఛేదించే క్రమంలో పోలీసుల ప్రమాదకరమైన పరిస్థితులను ఎదుర్కొంటారని అన్నారు
Also read
- BRS : యువతితో అడ్డంగా దొరికిన బీఆర్ఎస్ నేత.. చితక్కొట్టిన భార్య
- TG Crime: మహిళ ఎస్సై పై చేయి చేసుకున్న కాంగ్రెస్‌ నేత
- Watch Video: ఫ్రెండ్‌ను కలవడానికి వెళ్లి 21వ అంతస్తు నుంచి దూకేసిన లేడీ టెకీ.. మిస్టరీగా మారిన సూసైడ్ కేసు!
- బందర్‌లో దృశ్యం మార్క్‌ క్రైమ్‌ స్టోరీ.. పెనిమిటి హత్యకు శ్రీమతి స్కెచ్‌
- శివయ్యకి అపచారం…. తిన్నడికి ద్రోహం…”నకిలీ కన్నప్ప సినిమాని బహిష్కరించండి”
