భారత్‌లో రోజు రోజుకు వైవాహిక సంబంధాలు దిగజారిపోతున్నాయనడానికి ఈ సంఘటనే ఓ నిదర్శనం. భార్య ఉండగానే మరో మహిళతో, భర్త ఉండగానే మరో మగాడితో తిరిగే పాశ్చాత్య కల్చర్‌ దేశంలో పెరిగిపోతుంది. అలాంటి సంఘటనలు రోజుకు అనేకం వెలుగులోకి వస్తున్నాయి. ఈ క్రమంలో వైవాహిక సంబంధాలు మధ్యలోనే…
భారత్‌లో రోజు రోజుకు వైవాహిక సంబంధాలు దిగజారిపోతున్నాయనడానికి ఈ సంఘటనే ఓ నిదర్శనం. భార్య ఉండగానే మరో మహిళతో, భర్త ఉండగానే మరో మగాడితో తిరిగే పాశ్చాత్య కల్చర్‌ దేశంలో పెరిగిపోతుంది. అలాంటి సంఘటనలు రోజుకు అనేకం వెలుగులోకి వస్తున్నాయి. ఈ క్రమంలో వైవాహిక సంబంధాలు మధ్యలోనే తెగిపోతున్నాయి. తాజాగా అలాంటి ఓ వీడియో సోషల్‌ మీడియాలో చక్కర్లు కొడుతోంది. ప్రియురాలితో రోడ్డుపై తిరుగుతున్న భర్తను రెడ్ హ్యాండెడ్‌గా పట్టుకుంది భార్య. నడిరోడ్డుపై భర్త, అతడి ప్రియురాలికి బడితె పూజ చేసింది.
ఉత్తర ప్రదేశ్‌లో గురువారం చోటుచేసుకుంన్న ఈ సంఘటనకు సంబంధించిన వీడియో సోషల్‌ మీడియాలో వైరల్‌ అవుతోంది. కాన్పూర్‌కు చెందిన ఓ వ్యక్తి అదే ప్రాంతానికి చెందిన యువతితో గత కొంతకాలంగా వివాహేతర సంబంధం పెట్టుకున్నాడు. ఈ విషయం అతడి భార్య చెవిన పడటంతో కుటుంబంలో తగాదాలు మొదలయ్యాయి. ఈ నేపథ్యంలో గురువారం ఆ వ్యక్తి తన ప్రియురాలితో నర్వాల్ మోద్ ఏరియాలో భార్య కంటపడ్డాడు. వెంటనే భర్తను నిలదీసింది. ఈ క్రమంలో భార్య, ప్రియురాలు నడి రోడ్డు మీదే జుట్లు పట్టుకుని కొట్టుకున్నారు. కొద్దిసేపటి తర్వాత భార్యకు సర్దిచెప్పి ఇంటికి పంపడంతో గొడవ సరద్దుమణిగింది.
ప్రస్తుతం ఈ సంఘటనకు సంబంధించిన వీడియో నెట్టింట చక్కర్లు కొడుతోంది. ఆ వీడియోపై సోషల్‌ మీడియా యూజర్లు రకరకాలుగా స్పందిస్తున్నారు. ఇటీవల ఇలాంటి సంఘటనలు ఎక్కువైపోయాయంటూ పోస్టులు పెడుతున్నారు. భార్యాభర్తల బంధం అంటే బూతులా మారిపోయింది అంటూ మండిపడుతున్నారు
Also read
- తండ్రి మరణించినప్పుడు పెద్ద కొడుకే ఎందుకు అంత్యక్రియలు నిర్వహించాలి? ఆధ్యాత్మిక రహస్యం ఇదే!
- మంత్ర జపం చేసేటప్పుడు కళ్ళు మూసుకోవాలా? తెరిచి జపిస్తే ఫలితం ఎలా ఉంటుంది?
- Weekly Horoscope: వారికి ఆర్థిక సమస్యల నుంచి విముక్తి..12 రాశులకు వారఫలాలు
- మందు తాగి రోడ్డెక్కారు.. బండి ఆపిన పోలీసులకే క్లాస్‌ పీకారు! నడిరోడ్డుపై హైడ్రామా!
- చెరువుకు వెళ్తుండగా వెంటపడిన కోతుల గుంపు.. కుప్పకూలిన బాలుడు.. చివరకు..
