దేశంలో ఆడవారికి రక్షణ లేకుండాపోతోంది. ఒకవైపు కోల్‌కతా ఘటన దేశవ్యాప్తంగా తీవ్ర కలకలం రేపింది. ఈ ఘటన మరువకముందే.. దేశం నలుమూలల మహిళలపై అత్యాచార ఘటనలు జరుగుతూనే ఉన్నాయి. ఈ తరుణంలో మరో షాకింగ్ ఘటన ఒకటి నోయిడాలో వెలుగు చూసింది. సెక్టార్ 94లో ఉన్న ఓ పోస్టుమార్టం హౌస్‌లో.. అందులో పనిచేసే ఉద్యోగి ఒకరు.. మహిళపై లైంగిక దాడికి పాల్పడ్డాడు. అంతేకాదు ఈ నీచపు పనిని మరో వ్యక్తి వీడియో తీస్తున్నాడు. కాగా, ఇది సోషల్ మీడియాలో వైరల్ కావడం వల్ల పోలీసులు ఈ ఘటనపై కేసు నమోదు చేసి ఒక నిందితుడ్ని అదుపులోకి తీసుకున్నారు.
వైరల్ వీడియో ప్రకారం.. మార్చురీలోని డీప్ ఫ్రీజర్ రూమ్‌లో ఓ వ్యక్తి మహిళను లోబర్చుకున్నట్టు మీరు చూడవచ్చు. ఆమెతో అతడు అభ్యంతరకరమైన స్థితిలో కనిపించగా.. ఈ వీడియో రికార్డు చేస్తున్న వ్యక్తి.. తర్వాత తన వంతు అని చెప్పడం మీరు గమనించవచ్చు. ఈ ఇద్దరు నిందితులు మృతదేహాలను డీప్ ఫ్రీజర్‌లో భద్రపరిచే గదిలో ఈ నీచపు పనికి పాల్పడ్డారు. ఇక మార్చురీలో ఎలాంటి మహిళా ఉద్యోగి విధులు నిర్వర్తించకపోవడంతో.. ఆ మహిళ అక్కడికి ఎలా వచ్చిందన్న అనుమానాలు తలెత్తుతున్నాయి
కాగా, పోస్టుమార్టం హౌస్‌లో స్వీపర్ కాంట్రాక్ట్‌పై పని చేస్తుండగా.. అతడ్ని ఉద్యోగం నుంచి తొలగించినట్టు పోస్టుమార్టం హౌస్‌ ఇన్‌ఛార్జ్‌ డాక్టర్‌ జైసాలాల్‌ తెలిపారు. ఈ ఘటనపై నోయిడా డీసీపీ స్పందిస్తూ.. నిందితుడ్ని అదుపులోకి తీసుకుని విచారిస్తున్నామని.. పోలీస్ స్టేషన్ సెక్టార్-126లో కేసు నమోదు చేసి కఠిన చర్యలు తీసుకుంటామన్నారు.
Also read
- Jagannath Rath Yatra: భారతీయ కళాకారుల ప్రతిభకు నిదర్శనం జగన్నాథుని రథాలు.. ఎవరు? ఎలా తయారు చేస్తారో తెలుసా…?
- June 2025 Horoscope: వారి ఉద్యోగ, పెళ్లి ప్రయత్నాలు సఫలం.. 12 రాశుల వారికి మాసఫలాలు
- Sexual Assault: ఓరి దుర్మార్గుడా.. మేక కోసం వస్తే మానభంగం చేశావ్ కదరా – పోలీస్ స్టేషన్ మెస్‌లోనే రేప్!
- Ap Crime News: ఏపీలో అమానుషం.. బట్టలు ఊడదీసి స్తంభానికి కట్టేసి కొట్టారు!
- Maoist: మావోయిస్టుల కుట్ర భగ్నం.. జర్రయితే ప్రాణం పోతుండే.
