మన భారతీయ సంప్రదాయాల్లో చాలా ఆచారాలు పైకి సాధారణంగా కనిపించినా.. వాటి వెనుక ఆరోగ్యం, పరిశుభ్రత, సహజ వైద్య జ్ఞానం దాగి ఉండే అవకాశం ఉంది. మనందరం దేవాలయాలకు వెళ్లినప్పుడు ఇచ్చే తీర్థం లేదా చరణామృతం కేవలం భక్తి సూచిక మాత్రమే కాదు.. దాని వెనుక ఆరోగ్యపరమైన ఆలోచన కూడా దాగి ఉంది. తీర్థం కూడా అలాంటి ఒక అద్భుతమైన ఉదాహరణగా చెప్పవచ్చు. భక్తి, విజ్ఞానం కలిసిన ఒక సంప్రదాయం. ఈ విషయాన్ని కొంచెం సులభంగా, స్పష్టంగా ఇలా అర్థం చేసుకుందాం.
తులసి – పవిత్రతతో పాటు ఆరోగ్యం..
తీర్థంలో తులసి ఆకులు వేయడం యాదృచ్ఛికం కాదు. తులసి (శాస్త్రీయంగా Ocimum tenuiflorum)కు ఆయుర్వేదంలో ప్రత్యేక స్థానం ఉంది. ఇందులో ఉండే యూజినాల్ అనే సమ్మేళనం యాంటీఆక్సిడెంట్ లక్షణాలు కలిగి ఉంటుంది. జలుబు, దగ్గు, కఫం వంటి సమస్యలకు ఉపశమనం ఇవ్వగలదని నమ్మకం శరీరంలోని ఇన్ఫ్లమేషన్ తగ్గించడంలో సహాయపడుతుందని కొన్ని పరిశోధనలు సూచిస్తున్నాయి. అందుకే పూర్వ కాలంలో తీర్థంలో తులసి వేయడం ఆరోగ్య దృష్ట్యా కూడా ప్రయోజనకరంగా భావించారు.
పచ్చ కర్పూరం – సువాసనతో పాటు ఉపశమనం
మనకు తెలిసిన కర్పూరంలో తినదగినది “పచ్చ కర్పూరం” (Camphor). దీన్ని చాలా స్వల్ప పరిమాణంలో తీర్థంలో కలుపుతారు. దీని సువాసన మనస్సును ప్రశాంతంగా ఉంచుతుంది. జీర్ణక్రియను ప్రేరేపించడంలో సహాయపడుతుందని ఆయుర్వేదం చెబుతుంది. గొంతులో గరుకుదనం తగ్గించడంలో కూడా ఉపయోగపడొచ్చు.
రాగి పాత్ర – సహజ శుభ్రత రహస్యం
చాలా దేవాలయాల్లో తీర్థాన్ని రాగి పాత్రలో ఉంచడం వెనుక కూడా ఒక శాస్త్రీయ కారణం ఉంది. రాగి (Copper)కు సహజ యాంటీమైక్రోబయల్ లక్షణాలు ఉన్నాయి. కొన్ని రకాల బ్యాక్టీరియా రాగిపై ఎక్కువసేపు జీవించలేవు. నీటిలో స్వల్పంగా కాపర్ అయాన్లు కలవడం వల్ల నీరు కొంత శుభ్రంగా ఉండే అవకాశం ఉంది.
తులసి + రాగి – సహజ ఆరోగ్య కలయిక
పూర్వకాలంలో వైద్య సదుపాయాలు తక్కువగా ఉండేవి. అందుకే ప్రజలు సహజ పద్ధతులపై ఆధారపడ్డారు. తులసి ఆకులు + రాగి పాత్రలో నిల్వ చేసిన నీరు.. ఈ కలయిక ఒక సాధారణ ఆరోగ్య రక్షణ పద్ధతిగా ఉపయోగించబడిందని భావించవచ్చు.
తీర్థం తలకు రాసుకుంటున్నారా..?
తీర్థాన్ని తాగిన తర్వాత తలకు రాసుకోవడం ఒక భక్తి సంప్రదాయం. ప్రధాన ఉద్దేశం: తీర్థాన్ని పానీయంగా స్వీకరించడం, తలకు రాసుకోవడం గురించి స్పష్టమైన శాస్త్రీయ నియమం లేదు. ఇది వ్యక్తిగత విశ్వాసం, సంప్రదాయం మీద ఆధారపడి ఉంటుంది.
Also read
- Money Astrology: రవి కటాక్షం.. ఆ రాశుల వారికి ఆర్థిక సమస్యల నుంచి విముక్తి..!
- అష్టమి నాడు కాలభైరవ పూజ ఎందుకు ప్రత్యేకం? దీపారాధన, శునకాలకు ఆహారం పెడితే కలిగే శుభాలివే
- గరుడ పురాణం చెప్పే మరణానంతర ప్రయాణం.. ఆత్మ దాటాల్సిన 16 నగరాలు, వైతరణి నది రహస్యం!
- Today Horoscope: ఈరోజు పన్నెండు రాశులకు ఎలా ఉంటుంది? మీ రాశి ఫలాలు చూసుకున్నారా?
- Andhra: పెళ్లై 40 రోజులే.. ఇంతలోనే ఏం జరిగింది..?
