Apara Ekadashi: హిందూ ధర్మంలో ఏకాదశి తిథికి ప్రత్యేక ప్రాముఖ్యత ఉంది. ముఖ్యంగా జ్యేష్ఠ మాసంలో వచ్చే ‘అపర ఏకాదశి’ను భక్తులు ఎంతో భక్తిశ్రద్ధలతో ఆచరిస్తారు. ఈ ఉపవాసం పాపాలను తొలగించి సుఖసమృద్ధులను కలిగిస్తుందని విశ్వాసం. ఈ ఏడాది అపర ఏకాదశి ఎప్పుడు వస్తుంది? దాని పూజా విధానం, ముహూర్తం, పాటించాల్సిన నియమాలపై భక్తుల్లో ఆసక్తి నెలకొంది.
Apara Ekadashi 2026: హిందూ సంప్రదాయం ప్రకారం ఏకాదశి వ్రతాల్లో అపర ఏకాదశి ప్రత్యేకమైనదిగా పరిగణించబడుతుంది. “అపర” అంటే అపారమైన / అంతులేని అని అర్థం. ఈ రోజున శ్రీమహావిష్ణువును భక్తిశ్రద్ధలతో ఆరాధిస్తే అపారమైన పుణ్యఫలం లభిస్తుందని విశ్వాసం ఉంది. తెలియక చేసిన పాపాల నుంచి విముక్తి పొందేందుకు, మనసుకు ప్రశాంతత పొందేందుకు ఈ వ్రతం ఎంతో ఉపయుక్తంగా భావిస్తారు.
తిథి & ముహూర్త వివరాలు:
ఈ ఏడాది ఏకాదశి తిథి వివరాలు ఇలా ఉన్నాయి:
👉 ఏకాదశి తిథి ప్రారంభం: మే 12, 2026 – మధ్యాహ్నం 09:56 గంటలకు
👉 వ్రత ఆచరణ దినం: మే 13, 2026 (బుధవారం) (ఉదయ తిథి ఆధారంగా నిర్ణయం)
👉 వ్రత పారణ (ఉపవాస విరమణ): మే 14, ఉదయం 06:00 – 07:41 గంటల మధ్య
👉 ద్వాదశి తిథి ముగింపు: మే 14, ఉదయం 07:41 గంటలకు
అపర ఏకాదశి పూజా విధానం
1. శుచీశుభ్రత & సంకల్పం
👉 ఉదయాన్నే స్నానం చేసి శుద్ధంగా ఉండాలి
👉 అవసరమైతే నీటిలో గంగాజలం కలుపుకోవచ్చు
👉 పూజ గదిలో దీపం వెలిగించి ఉపవాస సంకల్పం తీసుకోవాలి
2. శ్రీమహావిష్ణు పూజ
👉 “ఓం లక్ష్మీ నారాయణాయ నమః” మంత్రంతో అభిషేకం చేయాలి
👉 పాలు, పంచామృతం, శుద్ధ జలం సమర్పించాలి
👉 చందనం, కుంకుమ, పసుపు, పూలు, తులసి దళాలతో అలంకరించాలి
3. నైవేద్యం
👉 పండ్లు, తీపి పదార్థాలు సమర్పించాలి
👉 హారతి ఇచ్చి ప్రసాదాన్ని అందరితో పంచుకోవాలి
👉 ఏకాదశి రోజున చేయాల్సిన ముఖ్య పనులు
👉 జాగరణ: రాత్రి నిద్ర లేకుండా విష్ణు సహస్రనామం, భజనలు, మంత్రజపం చేయాలి
👉 దానం: అన్నదానం లేదా వస్త్రదానం చేయడం శ్రేయస్కరం
👉 భగవన్నామ స్మరణతో రోజంతా గడపడం ఉత్తమం
ఏకాదశి రోజున చేయకూడని పనులు
👉 అన్నం తినకూడదు: బియ్యం పదార్థాలు పూర్తిగా మానాలి
👉 తులసి కోయకూడదు: పూజకు అవసరమైనవి ముందే సిద్ధం చేసుకోవాలి
👉 అశుభ్రత పనులు: జుట్టు కత్తిరించడం, గోర్లు తీయడం వంటి పనులు చేయకూడదు
👉 నెగటివ్ ప్రవర్తన: కోపం, అసూయ, దూషణలు మానుకోవాలి
ముఖ్య సూచన
అపర ఏకాదశి వ్రతాన్ని శ్రద్ధ, భక్తి, నియమాలతో ఆచరిస్తే మానసిక ప్రశాంతతతో పాటు ఆధ్యాత్మిక శక్తి లభిస్తుందని శాస్త్రాలు పేర్కొంటాయి
