AP Crime: కర్నూలులో విషాదం.. ఇద్దరు కూతుళ్లకు విషం ఇచ్చి.. ఆ తల్లి ఏం చేసిందంటే?

కర్నూలు జిల్లాలోని ఎల్.కొట్టాలలో ఆర్థిక ఇబ్బందులతో తల్లి ఇద్దరు చిన్నారులతో కలిసి బలవన్మరణానికి పాల్పడింది. తల్లితోపాటు మన్యశ్రీ, విలక్షణను ఆస్పత్రికి తరలించగా.. అప్పటికే సుభాషిని మృతి చెందగా, కూతుళ్లు ప్రాణాపాయస్థితిలో చికిత్స పొందుతున్నారు.

AP Crime: కర్నూలు జిల్లాలోని వెల్దుర్తి మండలం ఎల్.కొట్టాలలో ఒక విషాదకర ఘటన చోటుచేసుకుంది. ఆర్థిక ఇబ్బందులతో భారంగా మారిన ఓ తల్లి తన ఇద్దరు చిన్నారులతో కలిసి బలవన్మరణానికి పాల్పడింది. కుటుంబ వ్యయాలు, అప్పులు, ఇతర ఆర్థిక సంక్షోభాల వల్ల తీవ్ర మనోవేదనకు గురైన సుభాషిని అనే తల్లి ఈ దారుణ నిర్ణయం తీసుకుంది. మన్యశ్రీ, విలక్షణ అనే ఇద్దరు పసిపిల్లలకు ముందుగా విషం ఇచ్చి, ఆ తరువాత తానే కూడా అదే విషాన్ని తాగింది. ఈ విషయం తెలిసిన స్థానికులు వెంటనే స్పందించి తల్లీ కూతుళ్లను సమీపంలోని ఆసుపత్రికి తరలించారు. అయితే అప్పటికే సుభాషిని మృతి చెందగా, కూతుళ్లు ప్రాణాపాయస్థితిలో చికిత్స పొందుతున్నారు.

ఇది కూడా చదవండి: పురుషులు ఈ లక్షణాలు కనిపిస్తే నిర్లక్ష్యం చేయొద్దు

ప్రాణం తీసిన ఆర్థిక ఇబ్బందులు:
ఈ మధ్యకాలంలో ఇలాంటి సంఘటనలు సమాజంలో ఎక్కువ జరుగుతున్నాయి. ఆర్థిక ఇబ్బందులు వ్యక్తిగత జీవితం మీద ఎంతటి ప్రభావం చూపగలవో ఈ ఘటన మరోసారి అర్థమౌతుంది. రోజు రోజుకు పెరుగుతున్న ధరలు, ఆదాయం తక్కువగా ఉండడం, అప్పుల భారంతో జీవితం నడపలేకపోవడం వంటి సమస్యలు కొందరిని మానసికంగా కుంగిపోయేలా చేస్తున్నాయి. ఈ పరిస్థితుల్లో కుటుంబానికి మద్దతు కావాలంటే కేవలం డబ్బే కాదు, మానసిక బలంతో పాటు సమాజం నుంచి రావాల్సిన మానవీయత, తోడ్పాటూ అవసరం. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.