Janasena MLA Arava Sridhar Controversy: నాకు న్యాయం జరగకపోతే మంగళగిరిలోని జనసేన పార్టీ కార్యాలయం ముందు పెట్రోల్ పోసుకొని చచ్చిపోతా.. అంటూ రైల్వేకోడూరు ఎమ్మెల్యే లైంగిక వేధింపుల భాధితురాలు హర్ష వీణ మరో సంచలన వీడియో రిలీజ్ చేసింది. అందులో ఎమ్మెల్యే అరవ శ్రీధర్కు వార్నింగ్ ఇవ్వడంతోపాటు.. జనసేన అధినేత పవన్ కల్యాణ్ తనకు న్యాయం చేయాలని కోరింది.
రైల్వే కోడూరు జనసేన ఎమ్మెల్యే అరవ శ్రీధర్ లైంగిక వేధింపుల కేసు విషయం ఇంకా కొలిక్కి రాలేదు. రెండు నెలలు గడిచిపోయినా ఇంతవరకు అరవ శ్రీధర్ పై జనసేన పార్టీ నుంచి ఎటువంటి చర్యలు తీసుకోలేదని.. హర్షవీణ మరో సంచలన వీడియో రిలీజ్ చేసింది. దానికి కారణం ఎమ్మెల్యే పార్టీ కార్యక్రమాలకు దూరంగా ఉండాలని.. జనసేన ప్రకటించినప్పటికీ.. ఎమ్మెల్యే పార్టీ కార్యక్రమాల్లో పాల్గొంటుండడంపై ఆమె ఆగ్రహం వ్యక్తంచేసింది. నిన్న రైల్వేకోడూరులోని జనసేన పార్టీ కార్యక్రమంలో ఎమ్మెల్యే శ్రీధర్ పాల్గొన్నారు. అందుకే హర్షవీణ ఈ వీడియో రిలీజ్ చేస్తున్నట్లు తెలిపింది. పార్టీ కార్యక్రమాలలో పాల్గొనకూడదని అధినేత చెప్పినా అరవ శ్రీధర్ కార్యక్రమాలలో పాల్గొనడంతో.. అసలు పార్టీ అంటే అరవ శ్రీధర్ కు విలువ ఉందా .. అధినేత పవన్ కళ్యాణ్ కు తెలిసే ఇదంతా జరుగుతుందా అని హర్షవీణ ప్రశ్నించింది.
ఎమ్మెల్యే పదవి ఉంది కాబట్టే ఇంతవరకు అతన్ని అరెస్ట్ చేయలేదని పేర్కొంది. ఒక ఆడపిల్లకు అన్యాయం జరుగుతుంటే.. రెండు నెలలు అయినా కమిటీ ఇచ్చిన రిపోర్టు అనంతరం ఎమ్మెల్యే పై చర్యలు ఎందుకు తీసుకోవడం లేదని ఆమె ప్రశ్నించింది. తనకు న్యాయం జరగకపోతే ఆత్మహత్య చేసుకుంటానని వీడియోలో పేర్కొంది.
Also read
- హైదరాబాదీలకు అలర్ట్.. మీరు తినే ఉస్మానియా బిస్కెట్లలో విషం.. వెలుగులోకి భయంకర నిజాలు
- ఎమ్మెల్యే శ్రీధర్ విషయంలో నాకు న్యాయం జరగకపోతే.. మరో వీడియో వదిలిన హర్షవీణ..
- సుకన్య మామూల్ది కాదు.. నిద్రపోతున్న భర్తను రోకలిబండతో చంపి.. ఏకంగా ఇంట్లోనే..
- West Godavari Crime:ఇంస్టాగ్రామ్ లో లవ్
ప్రియుడి కోసం పారిపోయిన వివాహిత, వారిద్దరి జీవితాలు చివరకు.. - Attack on RRR:ఆకివీడు లో రఘురామపై దాడి యత్నం.. జనసేన నేత తలలోకి దిగిన మేకులు.. ఖండించిన ముఖ్యమంత్రి చంద్రబాబు
