Bullets found: సినీ నటుడి బ్యాగులో 40 బుల్లెట్ల గుర్తింపు

మాజీ ఎమ్మెల్యే, తమిళ నటుడు కరుణాస్ బ్యాగులో తూటాలు బయటపడ్డాయి.

చెన్నై: సినీ నటుడు, మాజీ ఎమ్మెల్యే కరుణాస్ బ్యాగులో పెద్ద సంఖ్యలో బుల్లెట్లు బయటపడటం కలకలం రేపింది. ఆదివారం ఉదయం ఆయన విమానం ఎక్కేందుకు చెన్నై డొమెస్టిక్ ఎయిర్పోర్టుకు వచ్చారు. తనిఖీల సమయంలో ఆయన బ్యాగులో దాదాపు 40 బుల్లెట్లు గుర్తించినట్లు అధికారులు వెల్లడించారు. ఈ వ్యవహారంపై నటుడిని ప్రశ్నించగా.. వీటిని తీసుకెళ్లేందుకు తగిన డాక్యుమెంట్లు తన వద్ద ఉన్నట్లు అధికారులకు చెప్పారు. దీంతో బుల్లెట్లు ఉన్న బ్యాగుతో విమానం ఎక్కేందుకు నిరాకరించిన అధికారులు.. తిరిగి వెనక్కి వెళ్లిపోయేందుకు ఆయన్ను అనుమతించారు.