తిరుపతి జిల్లా రేణిగుంటలో దారుణం చోటుచేసుకుంది.. ఓ మైనర్ బాలిక (14) పై ఇద్దరు మృగాళ్లు ఉన్మాదానికి పాల్పడ్డారు. దీంతో బాధితురాలు తల్లిదండ్రులతో కలిసి పోలీసులను ఆశ్రయించింది. వివరాల ప్రకారం.. అన్నమయ్య జిల్లా రైల్వే కోడూరుకు చెందిన ఓ కుటుంబం పిల్లల చదువుల కోసం తిరుపతికి వచ్చింది. బాధితురాలు ఓ ప్రైవేటు స్కూల్ లో 9 వ తరగతి చదువుతోంది..
తిరుపతి జిల్లా రేణిగుంటలో దారుణం చోటుచేసుకుంది.. ఓ మైనర్ బాలిక (14) పై ఇద్దరు మృగాళ్లు ఉన్మాదానికి పాల్పడ్డారు. దీంతో బాధితురాలు తల్లిదండ్రులతో కలిసి పోలీసులను ఆశ్రయించింది. వివరాల ప్రకారం.. అన్నమయ్య జిల్లా రైల్వే కోడూరుకు చెందిన ఓ కుటుంబం పిల్లల చదువుల కోసం తిరుపతికి వచ్చింది. బాధితురాలు ఓ ప్రైవేటు స్కూల్ లో 9 వ తరగతి చదువుతోంది.. 7 నెలల క్రితం ట్రైన్ లో ప్రయాణం చేస్తుండగా మహమ్మద్ షఫీ అనే యువకుడితో పరిచయం ఏర్పడింది. తన పేరు అభిరామ్ అని తిరుపతిలోని ఒక ప్రైవేటు కంపెనీలో ఉద్యోగం చేస్తున్నట్లు షఫీ బాలికను నమ్మించాడు. మహమ్మద్ షఫీతో ఏర్పడ్డ పరిచయంతో తరచూ ఫోన్ లో మాట్లాడిన మైనర్ బాలిక ప్రేమలో పడింది. మహమ్మద్ షఫీ అవసరాలకు ఇంట్లోని డబ్బు నగలను తీసుకెళ్లి ఇచ్చింది. ఇంటిలోని డబ్బు, నగలు కనిపించక పోవడంతో నిలదీసిన తల్లి దండ్రులకు అసలు విషయం చెప్పింది..
షఫీతో ఉన్న ప్రేమ వ్యవహారాన్ని చెప్పిన కూతురుకు దెయ్యం పట్టిందని కొందరి సలహాతో రేణిగుంటలోని రాజరాజేశ్వరీ ఆశ్రమానికి వెళ్ళి.. బాధిత కుటుంబం మూర్తి స్వామిని కలిసింది. బాలిక మానసిక స్థితి బాగోలేదని, దెయ్యం పట్టిందని నమ్మించిన ఆశ్రమ నిర్వాహకుడు మూర్తి స్వామి 3 రోజులపాటు బాలికతో అర్ధరాత్రి ఒంటరిగా పూజలు చేయాలన్నాడు. ఈ మేరకు బాలిక తల్లిదండ్రులను నమ్మించాడు.. ఫిబ్రవరి 20న రాత్రి మైనర్ బాలికను పూజల చేయించేందుకు ఆశ్రమానికి తీసుకెళ్ళాడు తండ్రి.. 3 రోజులుపాటు రాత్రిపూట బాలికను ఆశ్రమానికి తీసుకురావాలన్న స్వామీజీ ఆదేశం మేరకు పేరెంట్స్ ఫాలో అయ్యారు. ఈ క్రమంలో మూర్తి స్వామి తండ్రిని ఒక గదిలో ఉంచి మరొక గదిలోకి మైనర్ బాలికను తీసుకెళ్ళి లైంగిక దాడికి పాల్పడ్డాడు.
లైంగిక దాడి విషయం బయట వ్యక్తులకు చెబితే తల్లిదండ్రులకు క్షుద్రపూజలు చేసి కాళ్ళు చేతులు పోగడతానని మైనర్ బాలికను భయపెట్టాడు మూర్తి స్వామి. జరిగిన అఘాయిత్యానికి తల్లిదండ్రులకు చెబితే లాభం లేదనుకున్న బాలిక ప్రియుడు మహమ్మద్ షఫీకి చెప్పింది. మూర్తిస్వామి దొంగ అవతారాన్ని బయట పెడతానన్న మహమ్మద్ షఫీ.. మరుసటి రోజు తల్లిదండ్రులతో ఆశ్రమానికి యధావిధిగా వచ్చిన మైనర్ బాలికను పక్కా ప్లాన్ ప్రకారం కిడ్నాప్ చేశారు. స్నేహితులు షమర్, శరత్ లతో సాయంతో మైనర్ బాలికను కారులో తీసుకెళ్లాడు..
అనంతరం.. ఆశ్రమంలో కూతురు కన్పించకపోవడంతో బాధితురాలి తండ్రి పోలీసులను ఆశ్రయించాడు. ఈ మేరకు గాజుల మండ్యం పిఎస్ లో మిస్సింగ్ కేసు నమోదు అయింది. మైనర్ బాలికను తీసుకెళ్లిన యువకుడు.. 3 రోజుల పాటు నెల్లూరులో లాడ్జిలో ఉంచాడు. అక్కడి నుంచి అదిలాబాద్ జిల్లా మంచిర్యాలలోని రాముడి గుడికి తీసుకెళ్ళి పెళ్ళి చేసుకున్నాడు. మంచిర్యాల నుంచి హైదరాబాద్ చేరుకుని వారం రోజుల పాటు అక్కడే ఉన్న షఫీ బాలికపై లైంగిక దాడికి పాల్పడ్డాడు. అనంతరం షఫీ తీరుపై అనుమానం వచ్చిన మైనర్ బాలిక ఆధార్ కార్డు పరిశీలించింది. తాను ప్రేమించింది అభిరామ్ ను కాదని మహమ్మద్ షఫీ అని తెలుసుకుని పేరెంట్స్ కు సమాచారం ఇచ్చింది. మోసపోయిన తీరును తల్లిదండ్రులకు చెప్పుకుంది.
అనంతరం మైనర్ బాలికను రేణిగుంటకు తీసుకొచ్చిన పోలీసులు ఆమె స్టేట్ మెంట్ ను రికార్డ్ చేశారు. జరిగిన విషయాలు తెలుసుకున్న పోలీసులు అవాక్కైయ్యారు. ఆశ్రమంలో జరిగిన లైంగిక వేధింపుల గురించి వివరించిన మైనర్ బాలికను చైల్డ్ వెల్ఫేర్, మహిళ కమిషన్, మహిళ జడ్జి ఎదుట బాలికను హాజరుపరిచారు రేణిగుంట డిఎస్పీ భవ్య కిషోర్. అనంతరం బాలికను మెడికల్ ఎగ్జామింగ్ కి తరలించారు. మెడికల్ రిపోర్ట్ ఆధారంగా మైనర్ బాలిక పై లైంగిక దాడికి పాల్పడిన ఆశ్రమ నిర్వాహకుడు మూర్తి స్వామి, అభిరామ్ అలియాస్ మహమ్మద్ షఫీల పై పలు సెక్షన్ లపై కేసు నమోదు చేశారు పోలీసులు. ఐపీసీ 366, 376(2), 506 r/w 34 IPC & 3 r/w 4,5 r/w 6 0f POCSO ACT 2012 కిడ్నాప్, రేప్, ఫోక్సో యాక్ట్ కింద కేసు నమోదు చేశారు.
మహమ్మద్ షఫీ అలియాస్ అభిరామ్, అతని స్నేహితులు షమర్, శరత్ లను అదుపులోకి తీసుకొని రిమాండ్ కు తరలించారు. పరారీలో ఉన్న ఆశ్రమ నిర్వాహకుడు మూర్తిస్వామి కోసం గాలిస్తున్నారు. ప్రత్యేక బృందాలను ఏర్పాటు చేసి గాలిస్తున్నట్లు డీఎస్పీ భవ్య కిషోర్ మూర్తి స్వామి అలియాస్ కోదండ రామాచార్యులు మారిషస్ లో ఉన్నట్లు భావిస్తున్నారు. ఈ మేరకు అన్ని విమానాశ్రయాలకు లుకౌట్ నోటీసులు జారీ చేసే యోచనలో పోలీసులు ఉన్నారు.
Also read
- Monthly Horoscope July 202: ఉద్యోగ, పెళ్లి ప్రయత్నాల్లో వారికి శుభవార్తలు.. 12 రాశుల వారికి మాసఫలాలు
- అత్తింటి వేధింపులు – ఇద్దరు పిల్లలతో బావిలో దూకి మహిళ ఆత్మహత్య
- JEE లో మంచి ర్యాంక్.. NIT లో సీట్.. ఇంజనీరింగ్ ఆపేసి ఏం చేస్తున్నాడో తెలుసా..?
- రోడ్డు ప్రమాదంలో వివాహిత మృతి
- Hyderabad: పబ్బులో డీజే వాయించమంటే.. ఇదా మీరు చేసే గలీజు పని..
