వైసీపీ హయాంలో రెచ్చిపోయి.. ప్రతిపక్ష నేతలను ఇష్టానుసారం దూషించిన బోరుగడ్డ అనిల్ ఎట్టకేలకు పోలీసులకు చిక్కాడు.
గుంటూరు: వైసీపీ హయాంలో రెచ్చిపోయి.. ప్రతిపక్ష నేతలను ఇష్టానుసారం దూషించిన బోరుగడ్డ అనిల్ ఎట్టకేలకు పోలీసులకు చిక్కాడు. గుంటూరు నగరంలో పలు విద్యాసంస్థల అధినేత కర్లపూడి బాబూ ప్రకాష్ ను రూ. లక్షల్లో డిమాండ్ చేసి ఇవ్వకపోతే చంపుతానని బెదిరింపులకు గురిచేశాడు. బాధితుడి ఫిర్యాదు మేరకు అనిల్ పై నల్లపాడు పోలీసులు కేసు నమోదు చేశారు. కొంతకాలంగా అజ్ఞాతంలో ఉన్న నిందితుడిని బుధవారం నల్లపాడు పోలీసులు అరెస్టు చేశారు. ప్రస్తుతం నల్లపాడు పీస్ లో రహస్యంగా విచారిస్తున్నట్టు సమాచారం.
అనిల్ పై గతంలో పట్టాభిపురం, అరండల్ పేట్ సహా పలు స్టేషన్లలో కేసులు నమోదయ్యాయి. గతంలో నెల్లూరు రూరల్ ఎమ్మెల్యే కోటంరెడ్డి శ్రీధర్రెడ్డికి ఫోన్ చేసి.. జగన్ గురించి వ్యతిరేకంగా మాట్లాడుతున్నావని బెదిరింపులకు పాల్పడ్డాడు. గుంటూరు జనరల్ ఆసుపత్రిలో జూనియర్ డాక్టర్లపై చేయి చేసుకోవడం అప్పట్లో సంచలనమైంది. తన నివాసం వైపు నుంచి వెళ్లే స్థానికులను కూడా అటకాయించి దౌర్జన్యానికి పాల్పడేవాడు. వైసీపీ కు అనుకూలంగా, ప్రతిపక్షాలను దూషిస్తూ సోషల్ మీడియాలో ఇష్టారీతిన వ్యాఖ్యలు చేసేవాడు. కూటమి ప్రభుత్వం ఏర్పడినప్పటి నుంచి అజ్ఞాతంలో ఉన్న అనిల్ ఎట్టకేలకు పోలీసులకు చిక్కాడు.
Also read
- Lord Shiva: శివుడి వాహనం నంది ఎలా అయ్యాడు? ఎలా జన్మించాడు? ఎవరి తనయుడో తెలుసా..
- నేటి జాతకములు..18 అక్టోబర్, 2024
- వాడపల్లి శ్రీ వెంకటేశ్వర స్వామి దేవాలయం |
- Guava Leaves: జామ చెట్టు ఆకులను ఇలా వాడారంటే షుగర్, బీపీకి బైబై చెప్పొచ్చు..
- కొండా సురేఖ, రఘునందన్ రావు ల ఫొటో వైరల్ వ్యవహారంలో ఇద్దరి అరెస్టు