అవధూత దత్తపీఠాధిపతి పరమపూజ్య శ్రీ గణపతి సచ్చిదానంద స్వామీజీ మైసూరులో అవధూత దత్త పీఠం 1966 లో స్థాపించారు. అంతర్జాతీయంగా ఆధ్యాత్మిక, సాంస్కృతిక, సాంఘిక సంక్షేమ సంస్థగా పీఠం యోగా, ధ్యానం, సంగీత చికిత్స, సామాజిక సేవా కార్యక్రమాలతో మానవ జీవితాన్ని సుసంపన్నం చేసే లక్ష్యంతో అనేక కార్యక్రమాలు చేస్తున్నారు. మే 26, 1942న కర్ణాటకలోని మేకేదాటులో జన్మించిన శ్రీ స్వామీజీ లక్ష్యం శాంతి, ఆధ్యాత్మిక వృద్ధి, ప్రాచీన వైదిక సాంప్రదాయాలను ప్రోత్సహిస్తున్నారు. భారతీయ ఇతిహాసం మహాభారతంలో భాగమైన 700 శ్లోకాల హిందూ గ్రంథం భగవద్గీత.. అర్జునుడికి, శ్రీకృష్ణుడికి మధ్య జరిగిన సంభాషణ భగవద్గీత మానవీని కర్తవ్యం, వాస్తవిక స్వభావంపై లోతైన బోధనలను తెలియజేస్తుంది. స్వామీజీకి భగవద్గీతతో లోతైన అనుబంధం ఉంది. భగవద్గీత బోధనలను వ్యాప్తి చేయడానికి గణనీయమైన కృషి చేశారు. స్వామి గీత విలువైన సందేశాన్ని ప్రచారం చేసే లక్ష్యంతో ఎస్‌జీఎస్‌ గీత ఫౌండేషన్ స్థాపించి అనేక కార్యక్రమాల ద్వారా భక్తులను చైతన్యపరుస్తున్నారు.
గిన్నిస్ బుక్‌ రికార్డ్‌:
ఈ ఫౌండేషన్ భగవద్గీతలోని మొత్తం 700 శ్లోకాలు పఠించే గీతా మహాయజ్ఞం కార్యక్రమాలను నిర్వహిస్తుంది. వివిధ విద్యా, సామాజిక సేవా కార్యక్రమాలు నిర్వహిస్తుంది. 2022లో శ్రీస్వామీజీ టెక్సాస్‌లోని అలెన్‌లో వేలాది మంది భగవద్గీతను పఠించడం ద్వారా అతిపెద్ద ఏకకాల హిందూ వచన పఠనం కోసం గిన్నిస్ వరల్డ్ రికార్డ్‌ను పొందారు. ఈ కార్యక్రమం తమ బోధనలను ప్రపంచ వ్యాప్తంగా ప్రచారం చేయడం విశేషం.
స్వామీజీ బోధనలు భగవద్గీత సూత్రాలను రోజువారీ జీవితంలో ఆచరణాత్మకంగా ఉపయోగించడానికి అనేక విధాలుగా వుపకరిస్తున్నాయి. స్వామీజీ భగవద్గీతలోని ప్రాచీన జ్ఞానాన్ని అందించడమే కాకుండా ప్రజలకు అందుబాటులో ఉండేలా చేసింది. గీతా బోధనలను ఆధునిక జీవితంలోకి చేర్చడం ద్వారా శ్రీ స్వామీజీ అసంఖ్యాకమైన వ్యక్తులను మరింత అర్థవంతమైన జీవనం గడపడానికి దోహదపడుతోంది. అమెరికాలోని చికాగో నగరంలో నౌ ఎరినా స్టేడియం వేదికగా నేడు పది వేల మందికి పైగా భగవద్గీతను కంఠస్థం చేసిన భక్తులు ఒకే కంఠంతో సంపూర్ణ భగవద్గీత పారాయణం చేశారు.
భక్తులతో పాటు ఇల్లునాయిస్ గవర్నర్ జూలియానా స్టార్టోన్ , స్టేట్ సెక్రెటరీ అలెక్సీ గియానౌలియాస్, సెనేటర్ క్రిష్టినా కాస్ట్రో, స్టేట్ సెనేటర్ అరియన్ జాన్సన్, మేయర్ బిల్ తో పాటు అనేక నగరాల మేయర్లు, నగర ప్రముఖులు పూజ్య స్వామీజీ పిలుపు మేరకు హాజరయ్యారు. భగవద్గీతను విస్తృతంగా వేలాది మంది భక్తులు ఒకేసారి కలిసి పఠించటం ఎంతో ఆనందంగా ఉందని గణపతి సచ్చిదానంద స్వామీజీ అన్నారు
