హిందువులు పాములను కూడా దైవంగా భావించి పుజిస్తారు. సర్పజాతిని నాగ పంచమి, నాగుల చవితి రోజున పుట్టలో పాలు పోసి తమని తమ కుటుంబాన్ని కాపాడమని వేడుకుంటారు. శ్రావణ మాసంలో వచ్చే పండగలలో ఒకటి నాగ పంచమి. శ్రావణ శుక్ల పక్షం పంచమి తిథి ని నాగ పంచమి గా జరుపుకుంటారు. ఈ రోజున పాములను పూజిస్తారు. పాములు శివుడికి చాలా ప్రియమైనవి. అందుకే ఈ ఏడాది ఈ పండుగ ఎప్పుడు వచ్చింది? పూజ సమయం ఎప్పుడో తెలుసుకుందాం..
హిందూ మతంలో నాగ పంచమికి ప్రత్యేక ప్రాముఖ్యత ఉంది. శ్రావణ మాసంలో వచ్చే పండుగలు, వేడుకలలో నాగ పంచమి ఒక ముఖ్యమైన పండుగ. ఈ నెలలోని శుక్ల పక్ష పంచమి తిథి రోజున నాగ పంచమి పండుగ జరుపుకుంటారు. 2025 సంవత్సరంలో నాగ పంచమి పండుగ మంగళవారం జూలై 29, 2025 నాడు వచ్చింది. ఈ శుభ సందర్భంగా నాగులను దేవుళ్లగా భావించి పూజిస్తారు. పాముకి పాలు సమర్పిస్తారు. అలాగే ఈ రోజున మహిళలు తమ కుటుంబాన్ని రక్షించమని కోరుతో ఉపవాసం ఉండి పూజలు చేస్తారు. హిందూ మతంలో పాములను పవిత్రంగా భావిస్తారు. 12 మంది ముఖ్యమైన నాగులను ఆరాధించడం సంప్రదాయం. ఈ 12 మంది నాగులు శక్తి, జ్ఞానం, సంపద , రక్షణకు ప్రతీకలుగా నమ్మకం.
అనంత, వాసుకి, శేష, పద్మ, కద్రు, తక్షక, కాలీయ, మణిభద్ర, శంఖపాల, అశ్వతార, ధృతరాష్ట్ర, శంఖచూడ అనే ఈ 12 రకాల పాములను నాగ పంచమి రోజున అత్యంత భక్తిశ్రద్ధలతో పుజిస్తారు.
నాగ పంచమి 2025 తిథి:
నాగ పంచమి జూలై 29వ తేదీ మంగళవారం జరుపుకోనున్నారు.
పూజకు అనువైన సమయం: ఉదయం 5:41 నుంచి ఉదయం 8:23 వరకు
వ్యవధి: 2 గంటల 43 నిమిషాలు
నాగ పంచమి రోజున ఏం చేయాలి?
నాగ పంచమి రోజునే తెల్లారే స్నానమాచరించి, శుభ్రమైన బట్టలు ధరించాలి. ఉపవాస దీక్ష తీసుకోవాలి.
శివాలయానికి వెళ్లి మహాదేవుడిని బిల్వపత్రాలు, నీటితో అభిషేకించండి.
ఈ రోజున ఇంటి ప్రధాన ద్వారం వద్ద ఆవు పేడతో పామును తయారు చేయండి.
సర్ప దేవతను నీరు, పాలు, పెరుగు, పంచామృతం మొదలైన వాటితో స్నానం చేయండి.
సర్ప దేవతకు బట్టలు, గంధం, బియ్యం, కుశ, దర్భలు, పువ్వులు, ఆభరణాలు మొదలైనవి సమర్పించండి.
ధూపం, దీపాలు వెలిగించి పెరుగు, బియ్యం, పాలు, పువ్వులు, పండ్లు, స్వీట్లు మొదలైనవి సమర్పించండి.
నాగ పంచమి కథ విని మంత్రాలను పఠించండి. నాగులకు హారతి ఇవ్వండి.
శక్తి కొలదీ అవసరమైనవారికి దానం చేయండి లేదా బ్రాహ్మణులకు దక్షిణ ఇవ్వండి.
నాగ పంచమి పూజ మంత్రం
ఓం భుజంగేశాయ విద్మహే, సర్పరాజాయ ధీమహి, తన్నో ముక్తి నాగః ప్రచోదయాత్.
లేదా
సర్వే నాగాః ప్రియన్తాం మే యే కేచిత్ పృథ్వీతలే। విషాణి తస్య నశ్యంతి నటాం హింసంతి పన్నగాః, న తేషా సర్పతో వీర భయం భవతి కుత్రచిత్। అనే మంత్రాన్ని పఠించండి.
