మన ఇంటి ఆవరణలో మొక్కలు పెంచడం వల్ల అందంతో పాటు సానుకూల వాతావరణం కూడా ఏర్పడుతుంది. అయితే, ఏ మొక్కలు పెంచాలి, ఏ దిశలో పెంచాలి అనే సందేహం చాలామందికి ఉంటుంది. ముఖ్యంగా వేప చెట్టు ఇంట్లో పెంచితే ఎన్నో సానుకూల మార్పులు ఉంటాయిని చెప్తారు. అయితే పెరట్లో కరివేపాకు మొక్క పెంచడం వల్ల కూడా అద్భుత ప్రయోజనాలున్నాయని వాస్తు శాస్త్రం చెప్తోంది. అసలు ఈ మొక్కను ఇంట్లో ఏ దిక్కున పెంచితే మంచిదే.. దీని వల్ల ఎలాంటి ఫలితాలుంటాయో తెలుసుకోండి..
ఇంట్లో కరివేపాకు చెట్టు పెంచుకోవచ్చా లేదా అనే సందేహం చాలా మందికి ఉంటుంది. వాస్తు శాస్త్రం ప్రకారం, కరివేపాకు మొక్కను ఇంట్లో పెంచడం చాలా శుభప్రదంగా పరిగణిస్తారు. ఇది కేవలం ఆరోగ్య ప్రయోజనాలనే కాకుండా, సానుకూల శక్తిని, సంపదను, సంతోషాన్ని కూడా ఇంట్లోకి తెస్తుందని వాస్తు నిపుణులు చెబుతున్నారు.
వాస్తు శాస్త్రం ప్రకారం కరివేపాకు చెట్టు ప్రయోజనాలు:
సానుకూల శక్తి:
కరివేపాకు చెట్టు ఇంట్లో ప్రతికూల శక్తిని తొలగించి, సానుకూల శక్తిని పెంచుతుంది. ఇది ఇంట్లో సుఖ సంతోషాలను నింపుతుంది.
లక్ష్మీ కటాక్షం:
ఈ మొక్కను సరైన దిశలో నాటడం వల్ల లక్ష్మీదేవి అనుగ్రహం లభించి, ఇంట్లో సిరి సంపదలు కలుగుతాయని నమ్ముతారు. ఆర్థిక స్థితి మెరుగుపడుతుంది.
ఆరోగ్యం:
వాస్తు ప్రకారం కరివేపాకు మొక్క ఇంట్లో ఉండటం కుటుంబ సభ్యుల ఆరోగ్యానికి చాలా మంచిది. దీని ఆకులలో యాంటీ మ్యుటాజెనిక్ గుణాలు ఉండటం వల్ల క్యాన్సర్ వంటి వ్యాధుల నివారణకు సహాయపడతాయి. కరివేపాకు మొక్క ప్రశాంతతను, మానసిక సమతుల్యతను చేకూర్చుతుంది.
కరివేపాకు మొక్కను ఏ దిశలో పెంచాలి?
వాస్తు శాస్త్రం ప్రకారం, కరివేపాకు మొక్కను నాటడానికి కొన్ని నిర్దిష్ట దిశలు శుభకరమైనవిగా భావిస్తారు:
పడమర దిశ : వాస్తు నిపుణుల అభిప్రాయం ప్రకారం, ఇంటి పడమర దిశ కరివేపాకు మొక్కను నాటడానికి అత్యంత అనుకూలమైనది. ఈ దిశను చంద్రుడి దిశగా పరిగణిస్తారు. ఇక్కడ మొక్కను పెంచడం వల్ల శుభ ఫలితాలు లభిస్తాయి. ఆరోగ్యం మెరుగుపడుతుంది, ప్రతికూల శక్తి తొలగిపోయి, ఇంట్లో సానుకూల శక్తి పెరుగుతుంది.
ఆగ్నేయ దిశ :
కొందరు నిపుణులు ఆగ్నేయ దిశ (తూర్పు-దక్షిణ మూల) కూడా కరివేపాకు మొక్కకు చాలా మంచిదని సూచిస్తారు. ఈ దిశ సంపద, శ్రేయస్సుతో ముడిపడి ఉంటుంది. ఈ దిశలో మొక్కను పెంచడం వల్ల ఆర్థిక వృద్ధి, సామరస్యం పెరుగుతాయి. ఏ దిశలో నాటకూడదు?
ఈశాన్య దిశ :
కరివేపాకు మొక్కను ఇంటి ఈశాన్య దిశలో (ఉత్తర-తూర్పు మూల) అస్సలు పెట్టకూడదు. ఇలా చేయడం వల్ల ఇంట్లో ప్రతికూల శక్తి, దురదృష్టం ప్రవేశిస్తాయని చెబుతారు.
మొక్క సంరక్షణకు కొన్ని చిట్కాలు:
కరివేపాకు మొక్కకు చీడ పట్టకుండా తగిన జాగ్రత్తలు తీసుకోవాలి. గొంగళి పురుగులు వంటివి పట్టుకోకుండా మొక్క ఆరోగ్యంగా పెరిగేలా శ్రద్ధ వహించాలి. ఎప్పుడైనా చీడ పట్టినట్లు కనిపిస్తే ఆ భాగాన్ని వెంటనే తొలగించడం ఉత్తమం. కరివేపాకు మొక్క ఎండిపోవడం లేదా కుళ్ళిపోవడం మంచిది కాదు. ఎండిపోయిన మొక్కలు ఆర్థిక సమస్యలు, కుటుంబంలో గొడవలకు కారణం అవుతాయని వాస్తు చెబుతుంది.
వృధా నీరు పోయొద్దు :
సింక్ నుంచి వృధా నీరు పోయే ప్రాంతంలో పొరపాటున కూడా కరివేపాకు మొక్కను నాటవద్దు. వాస్తు ప్రకారం, సాయంత్రం వేళల్లో కరివేపాకు ఆకులను మొక్క నుండి తెంపకూడదు. ఇది ఇంటికి నష్టాన్ని కలిగించవచ్చు. మొత్తంగా, కరివేపాకు మొక్కను ఇంట్లో పెంచుకోవడం వల్ల అనేక ఆరోగ్య, ఆధ్యాత్మిక ప్రయోజనాలు కలుగుతాయని వాస్తు శాస్త్రం సూచిస్తుంది. అయితే, సరైన దిశలో నాటడం, దానిని ఆరోగ్యంగా సంరక్షించడం
previous post
