మద్యం తాగించి.. ఇద్దరు మహిళా కూలీలపై ఇద్దరు వ్యక్తులు అత్యాచారానికి పాల్పడిన దారుణం నాగర్కర్నూల్ జిల్లా శ్రీశైలం- హైదరాబాద్ జాతీయ రహదారి సమీపంలోని హాజీపూర్లో చోటుచేసుకుంది.
అచ్చంపేట : మద్యం తాగించి.. ఇద్దరు మహిళా కూలీలపై ఇద్దరు వ్యక్తులు అత్యాచారానికి పాల్పడిన దారుణం నాగర్ కర్నూల్ జిల్లా శ్రీశైలం- హైదరాబాద్ జాతీయ రహదారి సమీపంలోని హాజీపూర్ లో చోటుచేసుకుంది. ఈ ఘటనకు సంబంధించి పోలీసుల కథనం ప్రకారం.. బల్మూర్ మండలంలోని వేర్వేరు గ్రామాలకు చెందిన ఇద్దరు మహిళలు అచ్చంపేటకు వచ్చి రోజువారీ కూలీలుగా పని చేస్తున్నారు. గురువారం కూడా వారు పని కోసం రాగా.. పట్టణంలో బండల దుకాణాలు నిర్వహించే ఇద్దరు వ్యక్తులు వినోద్ సింగ్, గజానంద సింగ్ తమ ఇంట్లో పని ఉందని కూలీ మాట్లాడుకొని మహిళలను తీసుకెళ్లారు. ఇంటిని శుభ్రం చేయించుకున్నారు. పని పూర్తయ్యాక మాటల్లో దింపి, మభ్యపెట్టి మధ్యాహ్నం 3 గంటల సమయంలో ఇద్దరు మహిళలనూ కారులో ఎక్కించుకుని నల్గొండ జిల్లా డిండి వైపు తీసుకెళ్లి మద్యం తాగించారు. శ్రీశైలం-హైదరాబాద్ జాతీయ రహదారి సమీపంలోని హాజీపూర్ శివారు ప్రాంతంలో కారు నిలిపి మత్తులో ఉన్న మహిళలపై అత్యాచారానికి పాల్పడ్డారు. తిరిగి సాయంత్రం 6 గంటల సమయంలో అచ్చంపేట శివారులోని క్రీడా మైదానం సమీపంలో మహిళలను వదిలేశారు. అపస్మారక స్థితిలో ఉన్న మహిళలను గమనించిన స్థానికులు డయల్ 100, 108లకు సమాచారం ఇచ్చారు. బాధిత మహిళల ఫిర్యాదు మేరకు రాత్రి పోలీసులు కేసు నమోదు చేశారు. నిందితులను రిమాండ్ కు తరలించినట్లు సీఐ రవీందర్ తెలిపారు.
Also read :పోలీస్ డాగ్‌ సాహసం.. వర్షంలో 8 కిలోమీటర్లు పరుగెత్తి మహిళ ప్రాణాలు కాపాడింది..
ORR Accident: ORR సర్వీసు రోడ్డులో ఘోర రోడ్డు ప్రమాదం.. ముగ్గురు విద్యార్థుల దుర్మరణం!
జాతకంలో చంద్ర దోషమా..! గురు పౌర్ణమి రోజున ఈ వ్రత కథ వినండి.. ఉపశమనం లభిస్తుంది
Krishna District: పశువు కంటే హీనం.. అందుకే తల్లి వీడ్ని కడతేర్చింది…
