Ugadi 2026 Panchangam Meena Rashi Phalalu: రాశిలో శని, వ్యయస్థానంలో రాహువు ప్రభావంతో ప్రారంభంలో ఒత్తిడి, పోటీ ఎక్కువగా ఉన్నప్పటికీ, జూన్ నుంచి ఉచ్ఛస్థితిలో గురు సంచారం వల్ల పరిస్థితులు పూర్తిగా అనుకూలంగా మారుతాయి. రాజయోగాలు, ధనయోగాలు కలిగి విజయాలు సాధించే అవకాశాలు పెరుగుతాయి. ఆర్థికంగా జూన్ తర్వాత ఆదాయం గణనీయంగా పెరిగి, సమస్యలు తగ్గిపోతాయి. గృహ, వాహన యోగాలు కలుగుతాయి. పెట్టుబడులు, షేర్లు లాభిస్తాయి.
మీనం (పూర్వాభాద్ర 4, ఉత్తరాభాద్ర, రేవతి): శ్రీ పరాభవ నామ సంవత్సర ఉగాది ఫలితాలు..
ఆదాయం-14, వ్యయం-11 | రాజపూజ్యం-7, అవమానం-2
ఇదే రాశిలో శనీశ్వరుడు, వ్యయ స్థానంలో రాహువు సంచారం వల్ల ఇతరులతో పోటీ ఎక్కువగా ఉంటుంది. ఉద్యోగంలో పనిభారం, సహోద్యోగులతో ఇబ్బందులు, అధికారుల వేధింపులు తప్పకపోవచ్చు. జూన్ నుంచి మాత్రం రాశ్యధిపతి గురువు ఉచ్ఛ స్థితి పరిస్థితి మారిపోతుంది. పట్టిందల్లా బంగారం అవుతుంది. రాజపూజ్యాలు ఎక్కువగా కలుగుతాయి. రాజయోగాలు, ధన యోగాలు పడతాయి.
ఆర్థిక వ్యవహారాలుః ఆర్థిక విషయాలన్నీ విజయవంతం అయ్యే అవకాశం ఉంది. జూన్ నుంచి ఆదాయం ఇబ్బడిముబ్బడిగా పెరిగే అవకాశం ఉంది. ముఖ్యమైన ఆర్థిక అవసరాలు తీరిపోవ డంతో పాటు, ఆర్థిక సమస్యలు పూర్తిగా పరిష్కారమవుతాయి. గృహ, వాహన యోగాలు పడ తాయి. కొందరు బంధుమిత్రులకు ఆర్థికంగా సహాయం చేస్తారు. షేర్లు, స్పెక్యులేషన్లు బాగా కలిసి వస్తాయి.
వృత్తి, ఉద్యోగాలుః శని, గురువుల వల్ల వృత్తి, ఉద్యోగాల్లో ప్రాధాన్యం పెరగ డంతో పాటు, విదేశీ అవకాశాలు అందే సూచనలు కూడా ఉన్నాయి. నిరుద్యోగులు శుభ యోగాలను అనుభవిస్తారు. వృత్తి, ఉద్యోగాలలో ముఖ్యమైన సమస్యలను అధిగమించి అధికారులకు దగ్గరవుతారు. వ్యాపా రాలు ఆశాజనకంగా సాగిపోతాయి.
కుటుంబ వ్యవహారాలుః కుటుంబసమేతంగా తరచూ పుణ్యక్షేత్రాలు సందర్శిస్తారు. పిల్లలు విజయాలు సాధిస్తారు. ఆరోగ్యం నిలకడగా ఉంటుంది. ఆశించిన శుభవార్తలు అందుతాయి. వ్యయ స్థానంలో రాహువు ప్రవేశించినందువల్ల వాహన ప్రమాదాలతో జాగ్రత్తగా ఉండాలి. పరిచయస్థుల కారణంగా డబ్బు నష్టం జరిగే అవకాశం ఉంది. మంచి పరిచయాలు ఏర్పడతాయి. జీవిత భాగస్వామితో అడపాదడపా సమస్యలు తలెత్తే అవకాశముంటుంది.
