పోలీస్ స్టేషన్‌లో 108 వాహనం కనిపించింది.. ఏం జరిగిందని ఆరా తీస్తే అసలు విషయం తెలిసింది. ఆ వాహనాన్ని పోలీసులు సీజ్ చేశారు. ఎందుకు.. ఏంటో వివరాలు తెలుసుకుందాం పదండి….
Also read :Nizamabad: పోలీసుల అదుపులో యూనియన్ బ్యాంక్ మేనేజర్?
ఏదైనా ప్రమాదం జరిగినా.. ఎవరైనా ఆపదలో ఉన్నా.. కాల్ చేయగానే… కుయ్.. కుయ్.. కుయ్ అంటూ బాధితులను ఆస్పత్రికి తరలించేందుకు నిమిషాల్లో అక్కడికి చేరుకుంటుంది 108 వాహనం. ఈ ప్రభుత్వ సర్వీసు పూర్తిగా ఉచితం. ఉభయ తెలుగు రాష్ట్రాల్లోనూ ఈ అత్యవసర సర్వీసు వాహనాలు అందుబాటులో ఉన్నాయి. సమయానికి ఆస్పత్రికి చేర్చడం వల్ల ఎంతోమంది ప్రాణాలు నిలబెట్టాయి ఈ వాహనాలు. అయితే తాజాగా ఏపీలో ఓ 108 వాహనాన్ని పోలీసులు స్వాధీనం చేసుకోవడం చర్చకు దారి తీసింది. ప్రకాశం జిల్లాలో ఈ ఘటన వెలుగుచూసింది.
Also read :గుర్తుపెట్టుకో! ఎల్ల‌కాలం ఇదే మాదిరిగా సాగదు.. రచ్చరచ్చ చేసిన జగన్
జులై 10న కొనకనమిట్ల మండలానికి చెందిన 108 వెహికల్.. డయాలసిస్‌ రోగిని హాస్పిటల్‌కు తీసుకెళ్తుంది. అయితే దారిలో కనిగిరి మున్సిపాలిటీలోని టకారిపాలెం దగ్గర రోడ్డు దాటుతున్న వ్యక్తిని ఈ వాహనం ఢీకొట్టింది. తీవ్ర గాయాలతో ఆ వ్యక్తి చనిపోయాడు. అయితే ఆ 108 వాహనానికి.. ఫిట్‌నెస్‌ సర్టిఫికెట్‌తో పాటు ఇన్స్యూరెన్స్ లేకపోవడంతో కనిగిరి పోలీసులు.. ఆ అత్యవసర సర్వీస్ వెహికల్‌ను స్వాధీనం చేసుకుని పీఎస్‌కు తరలించారు. అలాగే వాహన డ్రైవర్‌పై కేసు ఫైల్ చేశారు. అంతర్గత విచారణ చేయించిన సంబంధిత అధికారులు.. ఉద్యోగం నుంచి తొలగించారు.
Also read :*మీ భర్త ఎవరో చెప్పండి.. దేవాదాయ శాఖ సహాయ కమిషనర్ శాంతికి నోటీసులు*
ట్రాన్స్‌పోర్ట్ డిపార్ట్‌మెంట్ రూల్స్ ప్రకారం.. వాహనం ఏదైనా సరే ఫిట్‌నెస్‌ సర్టిఫికెట్, ఇన్స్యరెన్స్ ఉండాలి. అయితే రాష్ట్రవ్యాప్తంగా చాలా వాహనాలకు ఈ ధ్రువపత్రాలు లేవని తెలుస్తోంది. అంబులెన్సులు కొనుగోలు చేసిన ప్రభుత్వంపైనే.. వాటి ధ్రువపత్రాలను సమకూర్చాల్సిన బాధ్యత ఉందని డ్రైవర్లు చెబుతున్నారు.
also read Hyderabad: అమ్మ, చెల్లిని నాన్న చంపేశాడు.. గుక్కపెట్టి ఏడ్చేసిన ఇద్దరు చిన్నారులు
AP News: డిప్యూటీ సీఎం పవన్‌పై కామెంట్స్ ఎఫెక్ట్.. దువ్వాడకు ఏపీ పోలీసుల నోటీసులు