హైదరాబాద్ మహానగరంలోని మాదాపూర్‌లో తీవ్ర విషాదం చోటు చేసుకుంది. స్నేహితుడిని పికప్ చేసుకుని మెసేజ్ పెట్టి, అతను వచ్చేలోపే ఆత్మహత్యకు పాల్పడ్డాడు ఓ యువకుడు. విట్టాలరావునగర్‌లో ఉన్న ఫ్రెష్ లీవింగ్ సర్వీస్ అపార్ట్‌మెంట్‌లో ఈఘటన వెలుగు చూసింది. ఇందుకు సమాచారం అందుకున్న పోలీసులు స్పాట్‌కు చేరుకుని దర్యాప్తు చేపట్టారు.
స్థానికులు ఇచ్చిన సమాచారం మేరకు పోలీసులు సంఘటనా స్థలానికి చేరుకుని పరిశీలించారు. ఒక వ్యక్తి టవల్ సాయంతో సీలింగ్ ఫ్యాన్‌కు ఉరివేసుకుని ఆత్మహత్య చేసుకున్నట్లు గుర్తించారు. మృతుడి వివరాలు సేకరించగా, కరీంనగర్ జిల్లాకు చెందిన బొమ్మల అనుదీప్ కుమార్ (32)గా గుర్తించారు. మృతుడు ఆర్కిటెక్చర్‌కు సంబంధించిన వ్యాపారం నిర్వహిస్తున్నాడని పోలీసులు తెలిపారు. అనుదీప్ కుమార్ స్వస్థలం కరీంనగర్ కాగా, సర్వీస్ అపార్ట్‌మెంట్‌లో ఒంటరిగా ఒక గదిలో ఉంటున్నట్లు సమాచారం.
అయితే మృతుడు చనిపోయే ముందు తన స్నేహితుడు హరీష్ కు వాట్సాప్ మెసేజ్ పంపినట్లు తెలుస్తోంది. తనను సర్వీస్ అపార్ట్‌మెంట్‌కి వచ్చి పికప్ చేసుకోవాలని కోరినట్లు పోలీసులు తెలిపారు. హరీష్ అక్కడికి చేరుకుని చూడగా, అనుదీప్ కుమార్ ఆత్మహత్య చేసుకుని, ఫ్యానుకు వేలాడుతూ ఉండటం గుర్తించి పోలీసులకు సమాచారం అందించాడు. పోలీసులు గదిని పరిశీలించగా, అక్కడ సూసైడ్ నోట్ లభించినట్లు తెలిపారు. ప్రాథమికంగా ఆర్థిక సమస్యలే ఆత్మహత్యకు కారణమై ఉండవచ్చని పోలీసులు భావిస్తున్నారు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. మృతదేహానికి పోస్టుమార్టం నిర్వహించిన అనంతరం బంధువులకు అప్పగించినట్లు పోలీసులు తెలిపారు.
Also read
- Shani trayodashi: అదృష్టం తెచ్చి పెడుతున్న శనిత్రయోదశి.!. ఈ రాశులకు బంపర్ శుభవార్త.. మీరున్నారా..?..
- ఓం మంత్రం జపించడం వల్ల కలిగే ప్రయోజనాలు.. ఆధ్యాత్మిక రహస్యం తెలుసా?
- Karwa Chauth: కర్వా చౌత్ ఎప్పుడు? ఆ రోజున జల్లెడలోంచే చంద్రుడిని ఎందుకు చూస్తారు?
- ప్రదోష వ్రతం ఎప్పుడు?.. శివుడి అనుగ్రహం కోసం ఈ మంత్రాలు జపించండి!
- Today Horoscope: ఈరోజు పన్నెండు రాశులకు ఎలా ఉంటుంది? మీ రాశి ఫలాలు చూసుకున్నారా?
