బడికి వచ్చిన పిల్లలకు విద్యాబుద్ధులు నేర్పించి, వారి భవిహ్యత్తుకు బాటలు వేయాల్సిన చోట కొందరు అసాంఘిక కార్యకలాపాలకు పాల్పడ్డారు. ఏకంగా స్కూల్లోనే అశ్లీల నృత్యాలు చేస్తూ మద్యం తాగుతూ, బార్ డ్యాన్సర్లతో కలిసి అసభ్యకరంగా డ్యాన్స్లు చేశారు. ఈ షాకింగ్ ఘటన బీహార్లోని సహర్సాలోని ఒక ప్రభుత్వ ప్రాథమిక పాఠశాలలో మంగళవారం సాయంత్రం చోటు చేసుకుంది. ఇందుకు సంబంధించిన..
పట్నా, సెప్టెంబర్ 27: బడికి వచ్చిన పిల్లలకు విద్యాబుద్ధులు నేర్పించి, వారి భవిహ్యత్తుకు బాటలు వేయాల్సిన చోట కొందరు అసాంఘిక కార్యకలాపాలకు పాల్పడ్డారు. ఏకంగా స్కూల్లోనే అశ్లీల నృత్యాలు చేస్తూ మద్యం తాగుతూ, బార్ డ్యాన్సర్లతో కలిసి అసభ్యకరంగా డ్యాన్స్లు చేశారు. ఈ షాకింగ్ ఘటన బీహార్లోని సహర్సాలోని ఒక ప్రభుత్వ ప్రాథమిక పాఠశాలలో మంగళవారం సాయంత్రం చోటు చేసుకుంది. ఇందుకు సంబంధించిన వీడియో ప్రస్తుతం సోషల్ మీడియాలో వైరల్గా మారింది.
బీహార్లోని సహర్సాలోని జలాయ్ పోలీస్ స్టేషన్ పరిధిలోని ఓ ప్రభుత్వ ప్రాథమిక పాఠశాలకు పెళ్లి వేడుకల నేపథ్యంలో కొందరు వ్యక్తులు బ్యాండు, నలుగురు బార్ డ్యాన్సర్లను తీసుకొచ్చారు. ప్రభుత్వ ప్రాథమిక పాఠశాలకు తీసుకొచ్చి తాగి డ్యాన్సులు చేశారు. సోషల్ మీడియాలో వైరల్ అవుతున్న వీడియోలో.. నలుగురు మహిళలు భోజ్పురి పాటలకు అసభ్యకరంగా డ్యాన్స్ చేయడం కనిపిస్తుంది. ఆ మహిళల చుట్టూ కొందరు వ్యక్తులు చేరి, మద్యం తాగుతూ వారితో కలిసి డ్యాన్స్ చేయడం వీడియోలో చూడొచ్చు.
సెప్టెంబరు 24 రాత్రి జరిగిన ఈ సంఘటన స్థానికులకు తీవ్ర ఆగ్రహాన్ని రేకెత్తించింది. పిల్లలకు చదువు చెప్పడానికి ఉద్దేశించిన పాఠశాల మైదానంలో ఇలాంటి అసాంఘాక కార్యకలాపాలు ఎలా నిర్వహిస్తారంటూ పలువురు ప్రశ్నిస్తున్నారు. పాఠశాలలో ఇటువంటి వేడుకలను ఎలా అనుమతించారో సమాధానం చెప్పాలని విద్యాశాఖను సైతం ప్రశ్నిస్తున్నారు. మరోవైపుఈ కార్యక్రమానికి తాము ఎలాంటి అనుమతి ఇవ్వలేదని జలాయి పోలీసులు తెలిపారు. సామాజిక మాద్యమాల్లో వైరల్ అయిన వీడియో తమ దృష్టికి వచ్చిందని, దీనిపై విచారణ జరుపుతున్నామని పోలీసులు మీడియాకు తెలిపారు. దర్యాప్తు జరిపి బాధ్యులపై చర్యలు తీసుకుంటామని హామీ ఇచ్చారు. పెళ్లి బరాత్లో భాగంగా కొందరు వ్యక్తులు పాఠశాలలో బస చేసి, వినోదం కోసం ఇలా చేసినట్లు పోలీసులు తెలిపారు.
Also read
- Hyderabad: అంత ఈజీగా ఎలా నమ్ముతారో.. రిటైర్డ్ ఉద్యోగి నుంచి రూ.33 లక్షలు కాజేసిన కేటుగాళ్లు!
- Hyderabad: పెళ్లి పేరుతో వంచన.. బీఆర్ఎస్ మాజీ ఎమ్మెల్యేపై లైంగిక వేధింపుల కేసు.. !
- ఇలా తయారయ్యారేంట్రా.. బాకీ తీర్చమని అడిగితే బంగారం ఇచ్చాడు.. తీరా చూస్తే!
- Andhra News: ఎలా వస్తున్నాయ్రా ఇలాంటి ఐడీయాలు.. లవర్స్ను చంపి ఏం చేశాడో తెలిస్తే..
- పెళ్లి తర్వాత ప్రేమ, అడ్డుగా ఉన్న భర్త హత్యకు స్కెచ్! పాపం.. మామ బలి
